Qazaqstan-Ózbekstan shekarasyndaǵy ótkizý pýnkti ýaqytsha jabyq

NUR-SULTAN. QazAqparat – Ózbekstan men Qazaqstan arasyndaǵy «Daýt-ata» - «Tájen» ótkizý pýnktinde adamdardy, kólik quraldary men júkterdi ótkizý ýaqytsha toqtatyldy. Bul týraly QR UQK baspasóz qyzmeti málim etti, dep habarlaıdy QazAqparat.

«1 shildeden bastap ózbek áriptesterden kelip túsken aqparatqa sáıkes, aqparattyq júıeniń isten shyǵýyna baılanysty Ózbekstan men Qazaqstan arasyndaǵy «Daýt-ata» - «Tájen» (avtomobıldik) ótkizý pýnktinde adamdardy, kólik quraldary men júkterdi ótkizý ýaqytsha toqtatyldy. Osy aqparat boıynsha «Qaraqalpaqııa» – «Beıneý» baǵytynda temirjol qatynasy toqtatyla turýy múmkin. Osyǵan baılanysty atalǵan ótkizý pýnkteri arqyly memlekettik shekaradan ótetin azamattar óz marshrýttaryn aldyn ala josparlaýyn suraımyz. Ózbek tarapy ótkizý pýnkteriniń jumysyn qaıta bastaǵany týraly qosymsha habarlaıtyn bolamyz», - delingen UQK baspasóz málimdemesinde.