Qazaqstan-Ózbekstan shekarasynda quny 400 myń teńgedeı bolatyn adam salmaǵyna áseri bar «Herbalife» ónimi tabyldy
ASTANA. QazAqparat - Elimizdiń ońtústigindegi Saryaǵash shekara otrıadynyń narıady (OQO, qazaq-ózbek shekarasy) temirjol vagondaryna tekserý ótkizý kezinde ıesiz jatqan bir qorapty tapty, dep habarlaıdy QR UQK baspasóz qyzmeti.
Qorapty ashyp qaraǵanda odan 55 banka «Herbalife» ónimi shyqty.
Atap ótý kerek, atalǵan ónimniń bir bankasy 7000 teńgeden satylady.
Atalǵan derek boıynsha quqyqqorǵaý organdary habarlandyryldy.
Mundaı ónimdi saryaǵashtyq shekarashylardyń birinshi ret ustaýy emes . Esterińizge sala ketelik, osy jyldyń 3-qyrkúıegi kúni «Saryaǵash-temirjoly» baqylaý-ótkizý beketiniń (Ońtústik Qazaqstan oblysy) shekara narıady «Saryaǵash - Keles» baǵytynda kele jatqan júk poıyzyna qyzmettik «Zevs» atty ıttiń kómegimen shekaralyq baqylaý jasaý kezinde onyń jartylaı jabyq vagonyna jasyrylǵan 7 qorapty tapqan bolatyn. Iesiz jatqan júkti tekserý barysynda adam salmaǵyna áser etetin «Herbalife» ónimin anyqtady.
Osyǵan uqsas taǵy bir derek 28-inshi tamyz kúni anyqtalǵandyǵyn eske sala ketelik. Onda da osy «Saryaǵash» baqylaý-ótkizý beketinde «Herbalife» fırmasynyń ónimi ustalyp, onyń salmaǵy 50 kg qurasa, jalpy quny 4 mln. teńgege jetken edi.
