Qazaqstan-Ózbekstan shekarasyndaǵy ótkizý pýnktterine qatysty kelisim týraly zań qabyldandy
ASTANA. KAZINFORM — Búgin Májilistiń jalpy otyrysynda «Qazaqstan Úkimeti men Ózbekstan Úkimeti arasyndaǵy Qazaqstan-Ózbekstan memlekettik shekarasy arqyly ótkizý pýnktteri týraly kelisimge 2006 jylǵy 4 qyrkúıektegi Hattamaǵa ózgerister engizý týraly hattamany ratıfıkatsııalaý týraly» zań qabyldandy.
— Hattamaǵa 2024 jylǵy 8 tamyzda Astana qalasynda qol qoıyldy. Bul qujat avtokólik pýnktterin ekijaqtydan kópjaqtyǵa ózgertedi. Sondaı-aq, jumys isteý tártibin jaryq ýaqyttan táýlik boıyna aýystyrady. Atalǵan shara ótkizý qabiletin arttyrýǵa, jolaýshylarǵa qolaıly jaǵdaı jasaýǵa jáne týrızmniń damýyna oń áserin tıgizedi. Bul ózgerister arasyndaǵy kólik-tranzıttik qatynasty odan ári damytýǵa óz úlesin qosady dep esepteımiz. Hattamany ratıfıkatsııalaý bıýdjet qarajatyn jumsaýdy qajet etpeıdi, — dedi QR Kólik mınıstri Nurlan Saýranbaev.
Aıta keteıik, buǵan deıin Qazaqstan men Ózbekstan aktıvterdi qaıtarý salasynda birlesken bastamalardy iske asyratynyn jazǵanbyz.
