Qazaqstan-Ózbekstan shekarasynda kólikter keptelisi neden paıda boldy

ASTANA. KAZINFORM – Ulttyq qaýipsizdik komıtetiniń Shekara qyzmeti Ózbekstan Respýblıkasymen shekaradaǵy jekelegen ótkizý pýnktterinde adamdar men kólik quraldarynyń jınalýy tirkelip jatqanyn habarlaıdy.

Bul jaǵdaı «Jibek joly» ótkizý pýnktinde bul irgeles aýmaqtaǵy «Gısht Kýprık» baqylaý-ótkizý beketinde qurylys jumystary men jol tóseminiń keńeıtilýimen baılanysty. Sondaı-aq qazaqstandyq «Tájen», «Atameken» jáne «Qazyǵurt» shekara ótkelderinde qaıta jańartý jumystary júrgizilýde, al «Qaplanbek» baqylaý ótkizý pýnkti osy sebeptermen jabyq.

«Memlekettik shekara arqyly basqa ótkizý pýnktteri shattyq rejımde jumys istep tur. Óz marshrýttaryńyzdy aldyn ala josparlaýdy suraımyz», - delingen UQK baspasóz qyzmeti taratqan habarlamada.