20:08, 06 Tamyz 2022 | GMT +6
Qazaqstan-Ózbekstan memlekettik shekarasyn demarkatsııalaý týraly qujat jobasy jasaldy
NUR-SULTAN. QazAqparat – Qazaqstan-Ózbekstan arasyndaǵy memlekettik shekarany demarkatsııalaýdyń qorytyndy qujattarynyń jobalar paketin qalyptastyrý aıaqtaldy. Bul týraly QR Syrtqy ister mınıstrliginen málim etti, dep habarlaıdy QazAqparat.
2022 jylǵy 25 shilde – 5 tamyz aralyǵynda Almaty qalasynda Qazaqstan-Ózbekstan birlesken demarkatsııalyq komıssııasyndaǵy Qazaqstan Respýblıkasy men Ózbekstan Respýblıkasy Úkimettik delegatsııalarynyń kezekti otyrysy ótti.
«Kelissózder barysynda taraptar Qazaqstan Respýblıkasy men Ózbekstan Respýblıkasy arasyndaǵy Qazaqstan-Ózbekstan memlekettik shekarasyn shegendeý týraly shart jobasynyń mátinin kelisýdi jáne shekarany demarkatsııalaýdyń qorytyndy qujattary jobalarynyń paketin qalyptastyrýdy aıaqtady.
Kelesi kezdesý Ózbekstan Respýblıkasynda dıplomatııalyq arnalar arqyly kelisilgen merzimderde ótedi», - delingen vedomstvo habarlamasynda.
