Qazaqstan-Ózbekstan arasyndaǵy taýar aınalymy jyl saıyn artyp keledi
NUR-SULTAN. QazAqparat - 2019 jyldyń qańtar-naýryz aılarynda eki el arasyndaǵy taýar aınalymy 621,6 mln AQSh dollar qurady. Bul - ótken jyldyń uqsas kezeńine qaraǵanda 13,2 paıyzǵa joǵary, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.
2019 jylǵy qańtar-naýryzda Qazaqstannan Ózbekstanǵa eksport 20,9 paıyzǵa ósip, 490,5 mln AQSh dollaryn qurap otyr.
«Qazaqstannan Ózbekstanǵa eksporttalatyn negizgi taýarlar: bıdaı - 96,4 mln AQSh dollar ( 19,7% úlespen), legırlenbegen bolattan jasalǵan jartylaı fabrıkattar - 42,4 mln AQSh dollar (8,6%), shıki munaı - 37,6 mln AQSh dollar (7,7%), munaı ónimderi - 34 mln AQSh dollar (6,9%), kúnbaǵys tuqymy - 24,6 mln AQSh dollar (5%), mys kenderi men kontsentrattary - 22 mln AQSh dollar (4,5%), óńdelmegen alıýmınıı - 19,7 mln AQSh dollar (4%), bıdaı nemese bıdaı-qara bıdaı uny - 18,4 mln AQSh dollar (3,8%), qara metaldardyń qaldyqtary men synyqtary - 16,1 mln AQSh dollar (3,3%), tsement - 11,4 mln AQSh dollaryn (2,3%) qurady», - delingen mınıstrliktiń habarlamasynda.
Ózbekstannan Qazaqstanǵa jasalǵan ımport 2019 jylǵy qańtar-naýryzda 8,5 paıyzǵa tómendep, 131,0 mln AQSh dollaryna teń bolǵan.
«Ózbekstannan Qazaqstanǵa jasalatyn ımporttyń negizgi taýarlary mynalar: qorǵasyn kenderi men kontsentrattary - 19,5 mln AQSh dollar (14,9% úlespen), etılen polımerleri - 13,3 mln AQSh dollar (10,2%), tabıǵı gaz - 13 mln AQSh dollar (9,9%), óńdelmegen myrysh - 7,5 mln AQSh dollar (5,7%), júzim - 5,9 mln AQSh dollar (4,5%), qyryqqabat - 5 mln AQSh dollar (3,8%), ózge de kókónister - 4,2 mln AQSh dollar (3,2%), azotty tyńaıtqyshtar - 4,2 mln AQSh dollaryn (3,2%) qurady», - dep habarlaıdy mınıstrlikten.
2005 jyldan bastap 2018 jylǵa deıingi kezeńde Ózbekstannan Qazaqstanǵa tikeleı ınvestıtsııalardyń jalpy aǵyny 32,2 mln AQSh dollaryn quraǵan. 2005 jyldan bastap 2018 jylǵa deıingi kezeńde Qazaqstannan Ózbekstanǵa tikeleı ınvestıtsııalardyń jalpy aǵyny 292,4 mln AQSh dollaryna jetken. 2019 jylǵy 1 sáýirdegi jaǵdaı boıynsha Qazaqstanda ózbekterdiń qatysýymen 2517 zańdy tulǵalar, fılıaldar men ókildikter tirkelgen. Olardyń ishinde jumys istep turǵandarynyń sany 592.
«Budan basqa, 50 mln AQSh dollary somasyna jylý materıaldaryn, kóbiktengen kaýchýk negizinde jylý oqshaýlaǵyshtardy, sorǵy jabdyqtary men qazandyqtardy, transformatorlardy, rels ónimderin, faneralardy, qurǵaq qurylys qospalaryn, shyny plastıkalyq qubyrlardy, maı ónimderin, un, kúrketaýyq etin, dárilik preparattardy, medıtsınalyq maqsattaǵy bir ret qoldanylatyn buıymdardy, qaptaý ónimderin, pet-preformalardy jetkizýge arnalǵan eksporttyq sharttar jasaldy. Ózbekstannyń álemdik ımportyn taldaý nátıjeleri boıynsha Qazaqstannyń álemge eksporty jáne Qazaqstannyń Ózbekstanǵa eksporty boıynsha derektermen salystyra otyryp, bul naryq qazaqstandyq óńdelgen ónimniń eksporty úshin belgili bir áleýet ekenin kórsetti», - dep habarlaıdy mınıstrlikten.
