Qazaqstan óz vaktsınasy arqyly álemdik eksklıýzıvti klýbqa endi – Diplomatic World

BRıÝSSELЬ. QazAqparat – Qazvac vaktsınasy Qazaqstannyń ǵylymı áleýetin kórsetedi. Diplomatic World atty eýropalyq basylym betinde sholýshy Alberto Tıýrkstra otandyq vırýsologtardyń ázirlegen preparatyna qatysty óz pikirin aıtty, dep habarlaıdy qazAqparat menshikti tilshisi.

Eýropalyq avtor eýropalyq qoǵamǵa 26 sáýirde Qazaqstan óziniń COVID-19-ǵa qarsy vaktsınasyn shyǵara bastaǵanyn habarlady.

«Bul kampanııanyń bastalýy QR Prezıdenti Q.Toqaevtyń tapsyrǵan qazaqstandyq vaktsınany jasaý mindettemesine sáıkes keledi», - dep jazady eýropalyq sarapshy.

Basylym ótken jyldyń mamyr aıynda Dúnıejúzilik densaýlyq saqtaý uıymy (DDSU) Qazaqstannyń bıologııalyq qaýipsizdik problemalary ǵylymı-zertteý ınstıtýtynda ázirlengen vaktsınany tirkegenin, al tamyz aıynda osy satyǵa jetken álemde 14-shi vaktsına bola otyryp, preparat klınıkalyq synaqtarǵa jiberilgenin jazdy.

Qazirgi ýaqytta QazVac shilde aıynda aıaqtalýy tıis synaqtyń úshinshi satysynda tur. Alǵashqy eki kezeńniń qatysýshylarynda COVID-19-ǵa qarsy ımmýnıtet damydy, eshqandaı janama áserler joq.

QazVac-ty engizý Qazaqstannyń ǵylymı áleýetin nyǵaıtady, osylaısha bul el COVID-19-ǵa qarsy óz vaktsınasyn ázirlegen AQSh, Qytaı, Reseı, Ulybrıtanııa, Kýba jáne Úndistan sııaqty elderdiń eksklıýzıvti klýbyna qosylady dep esepteıdi A.Tıýrkstra.

«Dıplomatııalyq álem» (Diplomatic World) – álemniń dıplomatııalyq astanasy – Brıýsselde shyǵatyn halyqaralyq bıznes-jýrnal.

Basylym frantsýz jáne aǵylshyn tilderinde 20 myń danadan astam taralymmen shyǵady, óziniń elektrondyq nusqasy bar.

Diplomatic world aýdıtorııasy – Eýropa dıplomattary men saıasatkerleri.

Jýrnaldy Eýropa men búkil álemniń elshilikteri men konsýldyqtarynda, úkimetteri men mádenı ortalyqtarynda oqıdy.