Qazaqstan óz damýynda jahandyq qaýipsizdikke zor úles qosqan elge aınaldy - Elbasy
Búgin Astanadaǵy Táýelsizdik saraıynda ótip jatqan Qazaq handyǵynyń 550 jyldyǵyna arnalaǵan Saltanatty shara barysynda sóz sóılegen QR Prezıdenti Nursultan Nazarbaev osylaı málimdedi.
Sóz barysynda Memleket basshysy Qazaqstannyń Táýelsizdik jyldaryndaǵy tarıhyna da sholý jasaǵan edi.
«Eń aldymen egemen alǵanda enshimizge ulan-baıtaq jer qaldy. Biraq, álemdegi toǵyzynshy terrıtorııa sanalatyn qazaq jeri eshqashan halyqaralyq qujatpen rásimdelmeı, ashyq-shashyq jatqan bolatyn. Biz osy bir asa kúrdeli ári shetin máseleni sátti sheship, Reseı men Qytaı bastaǵan barlyq kórshilerimizben aradaǵy jalpy uzyndyǵy 14 myń shaqyrymnan asatyn shekaramyzdy halyqaralyq qujattarmen rásimdep, bolashaq urpaǵymyzdyń alańsyz bolýy úshin máńgilikke shegendedik», - dedi Elbasy.
Budan bólek, N. Nazarbaev egemen Qazaqstanda jyldar boıy halqymyzǵa qasiret ákelgen ajal polıgondary men jappaı qyryp-joıý qarýlaryna toly bolǵanyn, táýelsiz el bolǵanda sonyń bárinen jerimizdi azat etip, álemdik ıadrolyq qarýsyzdaný kóshin bastaǵanymyzdy atap ótti.
«Aqyl men parasattyń kez kelgen qarýdan qýattyraq bolatynyn alǵa tartqan Qazaqstan jahandyq qaýipsizdikke zor úles qosqan elge aınaldy», - dedi Elbasy.
