Qazaqstan óz azamattary úshin azyq-túlik qaýipsizdigine kepildik beredi
ASTANA. 19 jeltoqsan. QazAqparat - Nursultan Nazarbaev óziniń Qazaqstan halqyna arnaǵan Joldaýynda qazirgi kezdegi negizgi qaýiptiń biri retinde ǵalamdyq azyq-túlik qaýipsizdigin atady. Barshaǵa belgili, dúnıejúzinde árbir jetinshi adam ashtyqqa ushyrap, toıyp tamaq ishpeıdi. Tabıǵı mol baılyqqa ıe Qazaqstan josparlanyp otyrǵan aýyl sharýashylyǵyn jańǵyrtý, egis kólemin keńeıtý arqyly jańa tehnologııalardy paıdalanyp, ózi úshin de, álemniń basqa memleketteri úshin de azyq-túlik qaýipsizdigine kepil bola alady.
Bul týraly Astana qalalyq máslıhatynyń depýtaty, «Tsesna-Astyq» kontserni» JShS-nyń Basqarma tóraǵasy Nıkolaı Meşerıakov málim etti, dep habarlaıdy elordanyń resmı saıty.
Áleýmettik mańyzǵa ıe azyq-túlik taǵamdarynyń baǵasyn ósirmeýdi, ınflıatsııa men azyq-túlik naryǵynyń sapaly taýarlarmen tolyǵýyn baqylaý bizdiń el Úkimetiniń eń basym jumystarynyń biri bolyp tabylady.
Astananyń azyq-túlik qaýipsizdigi máselesi de qala ákimdiginiń turaqty baqylaýynda. Buǵan deıin habarlanǵanyndaı, elordada qarasha aıynda keıbir taǵamdarǵa baǵa arzandady. Máselen, qant baǵasy 1,1%-ǵa, sábiz - 5,6 %-ǵa, pııaz - 3,2 %-ǵa, qyzylsha - 0,6 %-ǵa baǵasy tómendedi, - delingen Astana qalasy Statıstıka departamentiniń habarlamasynda.
