Qazaqstan óz azamattaryn shetelde oqytý kórsetkishi boıynsha 9-orynda tur

ASTANA. KAZINFORM – Fılosofııa, saıasattaný jáne dintaný ınstıtýtynyń basshysy Aıgúl Sádýaqasova Konstıtýtsııanyń jańa nusqasynda jeke tulǵanyń ǵylym men bilimge arqa súıep damýyna túgel kepildik berilgenin aıtady. 

- Jańa redaktsııanyń 33-baby azamattardyń orta jáne joǵary bilim alý quqyǵyna kepildik beredi. 23-baptyń 1 jáne 3-tarmaqtary sóz bostandyǵyna, ǵylymı, tehnıkalyq, shyǵarmashylyq jáne kórkemdik qyzmet erkindigine kepil bolyp tur. Zııatkerlik eńbekti qorǵaý kepildigine mán berildi. Osylaısha, jeke tulǵany damytýdyń bilimge qol jetkizýden bastap zııatkerlik jáne shyǵarmashylyq qyzmetin quqyqtyq turǵydan qorǵaýǵa deıingi tutas traektorııasy qalyptasady, - dedi ol Konstıtýtsııalyq komıssııanyń búgingi otyrysynda.

Sondaı-aq, ol jańa Konstıtýtsııadaǵy zııatkerlik menshikpen baılanysty baptar shetelde bilim alǵan jastardyń elge oralýyna jaǵdaı týǵyzatynyn aıtty.

- ıÝNESKO-nyń Statıstıka ınstıtýtynyń málimeti boıynsha, Qazaqstan azamattaryn shetelde oqytý kórsetkishi jóninen álemde 9-orynda. 91,2 myń qazaqstandyq stýdent shet elde bilim alyp jatsa, Qazaqstanda 30 myńǵa jýyq sheteldik stýdent oqyp júr. Memleket osy áleýetti ózine qaıtaryp, tolyqqandy iske asyrý úshin ınstıtýtsıonaldyq jaǵdaılar jasaı alýy kerek. Dál osy jerde shyǵarmashylyq erkindiktiń, zııatkerlik eńbek pen ǵylymı avtonomııany qorǵaýdyń konstıtýtsııalyq kepildikteri túbegeıli mańyzǵa ıe bolady, - dedi ǵalym.

Aıta keteıik, Kazinform agenttiginiń qazaq jáne orys tilindegi Telegram arnasy osy otyrystan mátin translıatsııasyn berip jatyr.