Qazaqstan Oskarǵa usynǵan «Aıka» fılmi nege ótpeı qaldy

ASTANA. QazAqparat - QR Mádenıet jəne sport mınıstri Arystanbek Muhamedıuly Qazaqstan tarapynan Oskar syılyǵyna usynylǵan «Aıka» fılmi nege ótpeı qalǵanyn túsindirdi, dep habarlaıdy QazAqparat.

Mınıstrdiń atap ótýinshe, «Aıka» kórkem fılminiń rejısseri Sergeı Dvortsevoı Qazaqstanda týyp ósken, alaıda keıin Reseı azamattyǵyn alǵan.

«Fılmniń basty prodıýserleriniń biri - ol Qazaqstannyń azamattyǵy bar Gúlnár Sársenova, sonymen qatar basty rólde Samal Eslıamova oınady. ıAǵnı osy týyndyny qazaqstandyq dep aıta alamyz. Biz fılmdi Oskar syılyǵyna usynǵan kezde, bizdiń ótinim ótpeı qaldy», - dedi A. Muhamedıuly.

Onyń túsindirýinshe, bul máselede halyqaralyq talaptar óz yqpalyn tıgizgen, ıaǵnı fılmdegi akterlardyń 50 paıyzdan kóbi óndirýshi eldiń azamattyǵynda bolýy tıis.

«Osy oraıda talaptardy saralaǵan kezde, Dvortsevoı Qazaqstan azamaty emes ekeni kórsetildi jáne qalǵandary fılmdegi ilespe akterler. Onda tek Gúlnár Sársenova men Samal Eslıamova Qazaqstan azamattary. Bul rette atalǵan normany eskere otyryp, bizdiń ótinimge qoldaý jasalmady. Halyqaralyq norma bolǵandyqtan, ony bizge ustaný kerek», - dedi mınıstr.

Budan buryn habarlanǵandaı, búgin Parlament Májilisiniń jalpy otyrysynda «Kınematografııa týraly» zań jobasy birinshi oqylymda maquldandy.

Zań jobasyn tanystyrý barysynda Arystanbek Muhamedıuly Qazaqstanda jumys isteýge nıetti iri kınokompanııalardy atady.

Sonymen qatar mınıstr fılmderdi qazaq tiline aýdarýdyń úsh nusqasyn usyndy.