Qazaqstan OSK basshysy Bishkektegi saılaý ýchaskesi jańa qurylǵylarmen jaraqtalǵanyn aıtty
BІShKEK. QazAqparat - Búgin saǵat tańǵy 8-de Qyrǵyzstanda el Konstıtýtsııasyna túzetýler engizý boıynsha daýys berý jáne jergilikti keneshte saılaý bastaldy. Astanalyq saılaý ýchaskeleriniń biriniń ashylý rásimine Qazaqstan OSK tóraǵasy Berik Imashev qatysty, dep habarlady Bishkekten «QazAqparat» HAA menshikti tilshisi.
№1214 saılaý ýchaskesiniń ázirligi jaıly ÝSK múshesi Dınara Musaqojaeva habarlady: «Referendým boıynsha daýys berý ýchaskesine barlyǵy 1214 saılaýshy, jergilikti keneshke saılaý boıynsha daýys berýge 1212 saılaýshy tirkelgen. Aıyrma eki adam ǵana».
Qazaqstan ortalyq saılaý komıssııasynyń basshysy saılaý ýchaskesi daýys berýdi bastaýǵa ázir, sondaı-aq daýys berý nátıjesin ózgertýdi, saılaýda zań buzýdy boldyrmaıtyn jańa avtomattandyrylǵan qurylǵylarmen jaraqtalǵanyn atap ótti.
Eske salsaq, saılaýǵa qatysýshylar tiziminde 2,85 mıllıon adam bar. Referendým saılaýǵa tizimdegi 30 paıyzdan astam, ıaǵnı 855 myń adam qatyssa, ótti dep sanalady.
