Qazaqstan ósimdik ósirýshileriniń alǵashqy respýblıkalyq sleti ótti
Vedomstvonyń baspasóz qyzmeti atap ótkendeı , sharaǵa aýyl sharýashylyǵy mınıstri Erbol Qarashókeev, Parlament Májilisiniń depýtattary, bıznes jáne azamattyq qoǵam ókilderi qatysty.
Óziniń quttyqtaý sózinde vedomstvo basshysy agrarıılerdiń eren eńbeginiń arqasynda búginde 16 mln tonna astyq pen dándi-burshaqty daqyl jınalǵanyn, bul eldi tolyq qamtamasyz etýge, sondaı-aq eksport naryǵyndaǵy óz pozıtsııamyzdy saqtaýǵa múmkindik beretinin atap ótti.
Qazaqstan - óńirdegi negizgi azyq-túlik haby, ónim joǵary sapaly jáne zor suranysqa ıe.
«Biz búgin sizderge qurmet kórsetip, óndiris ozattarynyń sletterin ótkizýdiń burynǵy dástúrin jańǵyrtamyz. Osy zamanaýı kórme kesheninde «Rýhanı jańǵyrý» baǵdarlamasy aıasynda ósimdik sharýashylyǵynyń ozyq mamandarynyń sletin ótkizip otyrmyz. Birinshi slettiń búkil halyq úshin mereıli jyl – Qazaqstan Táýelsizdiginiń 30 jyldyǵyn merekeleý jylynda ótip jatqany qýanyshty», - dedi mınıstr.
Pandemııa azyq-túlik júıeleriniń mańyzyn, onyń basymdyǵyn jáne óndiris kólemin ulǵaıtý qajettigin aıqyn kórsetti.
Úkimet agroónerkásiptik keshendi damytý jónindegi 2021-2025 jyldarǵa arnalǵan ulttyq jobany qabyldady, ol - búkil sala úshin strategııalyq qujat.
«Ulttyq jobanyń mindetteriniń biri - eńbek ónimdiligin 2,5 ese arttyrý. Bul boıynsha jumys isteý kerek. Nátıjesinde ár gektardan túsetin tabys ta artady», - dedi Erbol Qarashókeev.
Jobada sapaly tuqymdardy paıdalaný kólemin - óndiris negizin ulǵaıtý, mıneraldy tyńaıtqyshtardy engizý kólemin ulǵaıtý, sondaı-aq ósimdikterdi ýaqtyly jáne tolyq qorǵaý kózdelgen.
Ulttyq joba aıasynda barlyq baǵyttar qarjylandyrýdyń jetkilikti kólemimen qamtamasyz etilgen.
Bıyl otandyq óndiris tehnıkasyn satyp alý kezinde ınvestıtsııalyq sýbsıdııa 30% deıin ulǵaıtyldy.
Ózdiginen júretin búrikkishterdi, jemshóp jınaıtyn kombaındardy, qyzylsha jınaıtyn tehnıkany satyp alý kezinde, sondaı-aq kooperatıvterdiń tehnıkany satyp alý kezinde 50% ınvestıtsııalyq sýbsıdııa qoldanylady.
Sondaı-aq, shara barysynda Erbol Qarashókeev vedomstvolyq nagradalaryn tabystap, agroónerkásiptik keshenniń damýyna eleýli úles qosqan sala ókilderin Aýyl sharýashylyǵy mınıstrliginiń qurmet gramotalarymen marapattady.
«Halyq óndiristiń batyrlary týraly bilýi tıis, sizderdiń eńbekterińizdiń arqalaryńyzda ústelderimizde nan men basqa da ónimder bar. Mundaı sletter tek úzdik bolýǵa yntalandyryp qoımaı, sonymen qatar aýyl sharýashylyǵy qyzmetkeriniń mártebesin dáripteıdi» - dep qosty vedomstvo basshysy.
Sóz sońynda Erbol Qarashókeev jınalǵandardy kásibı mereke - Nan kúnimen quttyqtap, zor densaýlyq pen mol tabys tiledi.
