Qazaqstan – Ortalyq Azııadaǵy merekege eń baı memleket
NUR-SULTAN. QazAqparat – 2022 jyly qazaqstandyqtar aptanyń senbi, jeksenbi kúnderin qosqanda 120 kún demalady. Bul týraly QazAqparat energyprom.kz-ke silteme jasap habarlaıdy.
2014 jyldan bergi kezeńdi alyp qarasaq, demalysqa eń baı jyl 2016 jyly bolǵan eken (122 kún). Demalysy eń az 2018- 2019 jyldar bolǵan (119 kún).
2022 jyldyń demalysqa eń baı aıy qańtar bolmaq. Bul aıdyń 13 kúni demalysqa keledi. Onyń 3 kúni merekege – Jańa jyl men Rojdestvo sáıkes túsken.
Eýrazııalyq ekonomıkalyq odaq elderiniń arasynda qazaqstandyqtar eń kóp demalatyn el bolyp otyr. Al Belarýs eli 110 kún demalyspen eń az demalatyn el bolyp tur. Armenııa men Qyrǵyzstanda – 117 kún, Reseıde 118 kún demalysqa dóp keledi.
Tek merekemen baılanysty demalatyn kúnderdi alsaq, Qazaqstanda – 15, Reseıde – 14, Qyrǵyzstan men Armenııada – 12 kún, Belarýste – 10 kún.
Al TMD elderiniń ishinde merekege eń baı memleket – Ázerbaıjan (125 kún).
Qazaqstanda demalys kúnderiniń kóp bolýy memlekettik merekeniń senbi nemese jeksenbi kúnderine túsýine baılanysty úzartylýyna baılanysty. Mundaı esepteý tásiliniń tek Qurban aıt pen Rojdestvo merekelerine qatysy joq.
