Qazaqstan Ortalyq Azııadaǵy qus jolyn saqtaý jobalaryn úılestiretin boldy

LONAVALA. QazAqparat – Úndistannyń Maharashtra shtatyndaǵy Lonavala qalasynda 18-22 qarasha kúnderi sýly-batpaqty aımaqtar men ony mekendeıtin qustardy saqtaýǵa arnalǵan halyqaralyq konferentsııa ótti, dep habarlaıdy QazAqparat Qazaqstan bıoalýantúrlilikti saqtaý qaýymdastyǵyna silteme jasap.

Jıynda Ortalyq Azııadaǵy qus jolynda (Central Asian Flyway - CAF) iske asyrylatyn tabıǵatty qorǵaý jumystarynyń mańyzyna erekshe nazar aýdaryldy.

Bombeıdiń tabıǵat tarıhy qoǵamy (Úndistan) men QBSQ (Qazaqstan) Ortalyq Azııadaǵy qus joly jónindegi bastamalarǵa (CAFІ) qatysýshy elderdiń áreketterin sonymen qatar, Ońtústik Azııa men Ortalyq Azııadaǵy jobalardy úılestiretin boldy. Qazaqstan atynan QBSQ atqarýshy dırektory Vera Voronova, qaýymdastyqtyń ǵylymı qyzmetkeri Rýslan Orazalıev sóz sóıledi.

Konferentsııaǵa 200-den astam adam qatysty. Ortalyq Azııadan Qazaqstan, Túrikmenstan (Eldar Rústemov), Ózbekstan (Oleg Kashkarov) ókilderi de qatysty. Sharany Bombeıdiń tabıǵat tarıhy qoǵamy (Bombay Natural History Society) uıymdastyrdy.