Qazaqstan Ortalyq Azııadaǵy qaýipsizdikti qamtý maqsatynda Qyrǵyzstanǵa óteýsiz áskerı tehnıkalar jóneltedi
Otyrysta «Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy óteýsiz áskerı-tehnıkalyq kómek kórsetý týraly kelisimdi ratıfıkatsııalaý týraly» zań jobasy talqylanǵan bolatyn. Kelisimge eki eldiń Qorǵanys mınıstrleri 2015 jyldyń 24 maýsymynda Astanada qol qoıǵan. Qujatqa sáıkes Qyrǵyz tarapyna atys qarýlaryn, patrondardy, tútindetkish granatalar men qutylardy, S-75 zymyran keshenine qosalqy bólshekter men jıyntyqtaýshy buıymdardy berý kózdeledi. Qarý-jaraqtar óteýsiz negizde beriledi.
«Qazirgi tańda Taıaý Shyǵys pen Aýǵanstan aýmaǵynda Ortalyq Azııa elderiniń qaýipsizdigine naqty qater tóndiretin úderister damý ústinde. Osyǵan baılanysty Qyrǵyzstannyń qarýly kúshterine áskerı-tehnıkalyq kómekter kórsetý týyndap otyrǵan qaýipterdiń betin qaıtarýǵa múmkindikterdi arttyrady. Tutastaı alǵanda, osy arqyly Ortalyq Azııa elderiniń qaýipsizdigin nyǵaıtýǵa kómek beretin bolamyz», - dedi Qorǵanys mınıstriniń orynbasary Oqas Saparov.
Zań jobasy Parlament Senatynyń aldaǵy ýaqytta ótetin jalpy otyrysyna shyǵarylatyn bolady.