Qazaqstan Ortalyq Azııadaǵy araqty eń kóp ishetin el bolyp otyr - Qarjy mınıstri
ASTANA. QazAqparat - Qazaqstan Ortalyq Azııadaǵy araqty eń kóp ishetin el bolyp otyr. Bul týraly búgin Májiliste «Qazaqstan Respýblıkasynyń keıbir zańnamalyq aktilerine etıl spırti men alkogol óniminiń óndirilýin jáne aınalymyn memlekettik retteý máseleleri boıynsha ózgerister men tolyqtyrýlar engizý týraly» zań jobasyn talqylaý barysynda málim boldy.
«Dúnıejúzilik densaýlyq saqtaý uıymynyń júrgizgen zertteýlerine sáıkes, spırt ishimdikterin tutyný deńgeıi jónindegi reıtıngte Qazaqstan 188 eldiń arasynda 34 oryndy ıelenip otyr. Elimizdiń árbir azamaty jylyna orta eseppen shamamen 5,5 lıtr taza etıl spırtin nemese 11 lıtr araq tutynady eken. Nátıjesinde Qazaqstan Ortalyq Azııa óńirindegi araqty eń kóp ishetin el retinde tanylyp otyr», - deıdi QR Premer- Mınıstriniń orynbasary - Qarjy mınıstri Baqyt Sultanov.
Onyń aıtýynsha, alkogol ónimin tutynýdy qysqartý jáne onyń aınalymyn retteý úshin Memleket basshysy birqatar tapsyrmalar júktegen. Zań jobasy osy máselelerdi retteýge arnalady.
