Qazaqstan Ortalyq Azııa elderine ǵaryshtyq baılanys júıesi qyzmetterin eksporttamaq

ASTANA. QazAqparat – Qazaqstan Ortalyq Azııa elderine ǵaryshtyq baılanys júıesi qyzmetterin eksporttamaq. Bul jaıynda Májilis depýtatynyń saýalyna QR Premer-Mınıstriniń birinshi orynbasary Roman Sklıardyń jaýabynda aıtylǵan, dep habarlaıdy QazAqparat tilshisi.

«Telekommýnıkatsııalyq ǵarysh apparattaryna qatysty «KazSat-2» paıdalaný merzimi 2024 jyldan 2026 jylǵa deıin uzartylǵanyn, al «KazSat-3» jumys isteý merzimi 2029 jyly aıaqtalatynyn atap ótemiz», - dedi birinshi vıtse-premer.

Depýtattyq saýalǵan anyqtama retinde usynylǵan derekke sáıkes, 2027-2029 jyldary aralyǵynda memlekettiń tirkelgen spýtnıktik baılanys arnalaryna qajettiligi «KazSat-3» spýtnıgimen qamtamasyz etiletin bolady. Bul rette «KazSat-3» baılanys jáne habar taratý spýtnıgin josparly aýystyrý úshin «KazSat-3» ǵaryshtyq baılanys júıesin qurý jáne paıdalanýǵa berý» jobasyn jobalaý aldyndaǵy jumys 2024 jyly bastalyp, 2026 jylǵa qaraı aıaqtalady.

«Qazirgi ýaqytta atalǵan spýtnıkter eldiń spýtnıktik baılanys pen telehabar taratý qajettiligin tolyǵymen qanaǵattandyrady. Bul rette Ortalyq Azııa elderine ǵaryshtyq baılanys júıesiniń qyzmetterin eksporttaý boıynsha jumystar júrgizilýde», – dedi Roman Sklıar.