Qazaqstan Ortalyq Azııa elderine benzın eksporttaýdy sáýirde bastaıdy
«2018 jyly úsh munaı óńdeý zaýytyn jańǵyrtý jumystary tolyq aıaqtaldy. ıAǵnı, byltyr óńdeý qýattylyǵy artyp, qazirgi ýaqytta ónimniń sapasy eýropalyq K4, K5 standarttaryna saı keledi. 2018 jyly munaı óńdeý kólemi 2017 jylǵa qaraǵanda 8,6 paıyzǵa artyp, 16,4 mln tonnaǵa jetken. Osy jyly 17,2 mln tonna munaıdy óńdeý kózdelip otyr. ıAǵnı, bul kórsetkish 2018 jylmen salystyrǵanda 5 paıyzǵa artyq. Sonymen birge, munaı jetkizý quqyǵyna ótken jyldan bastap «Kondensat» AQ jáne «Kaspıı-bıtým» JShS ıe bolǵanyn aıta ketkim keledi», - dedi QR Energetıka mınıstriniń birinshi orynbasary Mahambet Dosmuhambetov Astanada «Memleket basshysy Joldaýynda, Bes áleýmettik bastamada atap ótken tapsyrmalardy iske asyrý aıasynda ekonomıkalyq ósimniń jańa úlgisin qalyptastyrý, halyqtyń kiristerin jáne ómir súrý sapasyn arttyrý» taqyrybynda ótken paneldik sessııada.
Vıtse-mınıstrdiń aıtýyna qaraǵanda, munaı ónimderiniń negizgi túrlerin óndirý kólemi 2018 jyly 9,4 paıyzǵa artqan.
«Osy jyly elimizde qysqy dızeldik otyndy eseptemegende otandyq benzınmen jáne dızeldik otynmen, avıakerosınmen qamtamasyz etý deńgeıi 100 paıyz bolady dep kútilip otyr. Bıyl óndiristiń jalpy kólemi - benzın boıynsha 4,876 mln tonna, avıakerosın boıynsha 694 myń tonna, dızeldik otyn 4,8 mln tonna, mazýt 1,8 tonna jáne bıtým 710 myń tonna bolmaq», - deıdi Mahambet Dosmuhambetov.
Vıtse-mınıstr óz sózinde bıyl qazaqstandyq munaı ónimderin Ortalyq Azııa elderine eksporttaý josparlanyp otyrǵanyn atap ótti.
«Ózińiz biletindeı, qazirgi ýaqytta tıisti normatıvti zańnamalyq qujat jumystary júrgizilip jatyr. Sáýir aıynda benzındi eksporttap, benzın men dızeldik otynnyń ımportyn retteýdi oılastyrýdamyz», - deıdi vıtse-mınıstr.
