Qazaqstan Ortalyq Azııa, Aýǵanstan men Kavkaz elderine damýǵa resmı kómek kórsetýge nıetti - SІM
ASTANA. QazAqparat - Qazaqstan Ortalyq Azııa, Aýǵanstan men Kavkaz elderine damýǵa resmı kómek kórsetýge nıetti. Búgin Parlament Senatynyń jalpy otyrysynda «Damýǵa resmı kómek týraly» zań jobasy boıynsha baıandama jasaǵan Syrtqy ister mınıstri Erlan Ydyrysov osylaı málimdedi.
«Táýelsizdik jyldarynda Qazaqstan shetelderge shamamen 100 mln. dollardy quraıtyn túrli kómekter kórsetti. Alaıda, bul baǵyttaǵy júıeleliktiń bolmaýy saldarynan Qazaqstan donor el ertinde saıası jáne ekonomıkalyq dıvıdendter ala almaı keledi. Máselen, ekijaqty yntymaqtastyq aıasynda Qazaqstan kórsetip jatqan kómekter BUU DB men Ekonomıkalyq yntymaqtastyq jáne damý uıym tarapynan esepke alynbaıdy. Sondyqtan da, zań jobasy eń birinshiden damýǵa resmı kómekti júıelendirýge negizdeledi», - dedi E. Ydyrysov.
Mınıstrdiń aıtýynsha, damýǵa resmı kómekter kórsetýdiń ulttyq júıesi damyǵan memlekettiń basty atrıbýttarynyń biri bolyp tabylady. Budan bólek, Qazaqstan Ekonomıkalyq yntymaqtastyq jáne damý uıymymen áriptestikti nyǵaıtýdy josparlap, keıinnen osy uıymǵa enýdi de kózdeıdi. Sonymen qatar, damýǵa resmı kómekti júıelendirý elıtaly klýb sanalatyn EYDU-na múshe elge qoıylatyn basty talaptarynyń biri. «Óńirlik lıder bola otyryp, Qazaqstan osy aımaqtaǵy barshaǵa aıan problemalardy sheshýde shet qala almaıdy. Sonyń ishinde Aýǵanstannan halyqaralyq kúshter ketkennen keıin, Ortalyq Azııada ahýal nasharlaı túsetini boljanady. Sondyqtan da, Qazaqstannyń damýǵa resmı kómek boıynsha nıeti negizinen Ortalyq Azııa, Aýǵanstan men perspektıvada Kavkazdy qamtýy múmkin», - dedi E. Ydyrysov.
Onyń aıtýynsha, qazirgi tańda Ortalyq Azııa óńirinde damýǵa resmı kómek kórsete alatyn deńgeıde Qazaqstannan basqa memleket joq. «Sondyqtan da, damýǵa resmı kómektiń ulttyq júıesin qurý elimizdiń óńirlik kóshbasshylyq pozıtsııasyn odan saıyn kúsheıte túspek. Osy turǵydan óńirde alǵanda tatý kórshilik belbeýin nyǵyzdaı otyryp, Qazaqstannyń damýǵa resmı kómegi óńirdegi «jumsartylǵan kúshimizge» aınalady», - dedi SІM.
«Ortalyq Azııa - kóptegen halyqaralyq oıynshylardyń nazaryn ózine buryp otyrǵan aımaq. Ortalyq Azııa - Qazaqstannyń da dástúrli strategııalyq múddelerinen turatyn aımaq. Endeshe Qazaqstan úshin osy óńirdegi ómirlik mańyzy bar múmkindikti ýystan shyǵaryp almaý asa mańyzdy», - dedi ol.
