Qazaqstan Ortalyq Azııanyń sý paıdalaný jónindegi Negizdemelik konventsııasyn ázirleýdi usyndy
ASTANA. KAZINFORM - Dýshanbe qalasynda «Turaqty damý úshin sý» halyqaralyq is-qımyl onjyldyǵyna arnalǵan Tórtinshi joǵary deńgeıdegi halyqaralyq konferentsııanyń plenarlyq sessııasy ótti, dep habarlaıdy QR Sý resýrstary jáne ırrıgatsııa mınıstrliginiń baspasóz qyzmeti.
Іs-sharaǵa Tájikstan Respýblıkasynyń Prezıdenti Emomalı Rahmon, sondaı-aq Ortalyq Azııa elderiniń sý sharýashylyǵy vedomstvolary basshylary bastaǵan delegatsııalar qatysty.
Qazaqstan delegatsııasyna Sý resýrstary jáne ırrıgatsııa mınıstri Nurjan Nurjigitov jetekshilik etti.
Mınıstr óz sózinde memlekettiń sýǵa uqypty qaraý mádenıetin damytý, zamanaýı ekologııalyq syn-qaterlerge saı sý zańnamasyn jańartý, sý resýrstaryn basqarýdyń ozyq tehnologııalaryn engizý jáne ónerkásipte sýdy paıdalaný tıimdiligin arttyrý baǵytynda qolǵa alǵan sharalary týraly aıtty.
Vedomstvo basshysy sondaı-aq Qazaqstannyń sý salasyndaǵy óńirlik jáne halyqaralyq ózara is-qımyldy jetildirýge baǵyttalǵan bastamalaryna erekshe toqtaldy. Onyń ishinde halyqaralyq sý quqyǵynyń qaǵıdattary men normalaryna negizdelgen ári óńir memleketteriniń praktıkalyq yntymaqtastyǵyn nyǵaıtýdy kózdeıtin Ortalyq Azııanyń sý paıdalaný jónindegi Negizdemelik konventsııasyn ázirleý bastamasy bar.
Sonymen qatar Nurjan Nurjigitov Qazaqstan Prezıdenti Qasym-Jomart Toqaevtyń BUU júıesi aıasynda Halyqaralyq sý uıymyn qurý jónindegi bastamasynyń mańyzyn atap ótti.
Bıyl sáýir aıynda Astanada ótken Óńirlik ekologııalyq sammıt aıasynda Qazaqstan osy másele boıynsha halyqaralyq konsýltatsııalardyń alǵashqy kezeńin ótkizýdi usynǵan bolatyn. Konsýltatsııalarǵa 30-dan astam memleket pen 20 halyqaralyq uıymnan shamamen 140 ókil qatysyp, bastama halyqaralyq qaýymdastyq tarapynan keń qoldaý tapty.
-Dýshanbedegi sý protsesi - sý qaýipsizdigine qatysty ózekti máselelerdi talqylap, naqty sheshimder ázirleý úshin memleketterdi, halyqaralyq uıymdardy, sarapshylar men damý jónindegi seriktesterdi biriktiretin mańyzdy alań. Qazaqstan sý resýrstaryn utymdy paıdalaný men muzdyqtardy saqtaý máselelerin ilgeriletý baǵytynda atqarylyp jatqan jumystardy joǵary baǵalaıdy. Ortalyq Azııa transshekaralyq yntymaqtastyqtyń biregeı tájirıbesine ıe. Óńir elderi kóp jyldan beri turaqty dıalog pen birlesken sheshim qabyldaý tetikterin saqtap keledi. Bul tájirıbe óte qundy ári álemdegi ózge de transshekaralyq basseınderge úlgi bola alady. Óńirdegi qoldanystaǵy yntymaqtastyq tetikteri ózara yqpaldastyqtyń berik negizin qalyptastyryp, turaqty sý paıdalanýdy qamtamasyz etýge eleýli úles qosty. Sonymen birge qazirgi syn-qaterler qoldanystaǵy tásilderdi odan ári jetildirý men beıimdeýdi talap etedi», - dedi Sý resýrstary jáne ırrıgatsııa mınıstri Nurjan Nurjigitov.
Osyǵan deıin QR Sý resýrstary jáne ırrıgatsııa mınıstri Nurjan Nurjigitov, Tájikstan Respýblıkasynyń Energetıka jáne sý resýrstary mınıstri Djýma Daler jáne Ózbekstan Respýblıkasynyń Sý sharýashylyǵy mınıstri Shavkat Hamraev 2026 jyldyń maýsym-tamyz aılaryna arnalǵan «Bahrı-Tochık» sý qoımasynyń jumys rejımin keliskeni týraly jazdyq.
