Qazaqstan Ortalyq Azııadaǵy eń únemdi sý tutynýshy boldy
ASTANA. KAZINFORM — Qazaqstan Ortalyq Azııa elderiniń ishinde jan basyna shaqqanda sýdy eń únemdi tutynǵan el boldy. Bul týraly Worldometer ınternet-qyzmetiniń málimetteri kýálandyryp otyr.
Qazaqstanda bir adam táýligine shamamen 3397 lıtr sý jumsaıdy, bul — aımaqtaǵy eń tómengi kórsetkish.
Salystyrmaly túrde alǵanda, Qyrǵyzstan shamamen 4 153 lıtr, Tájikstan 4 460 lıtr, Ózbekstan 4 778 lıtr sýdy tutynsa, bir adamǵa táýligine 15 445 lıtrge deıin sý jumsalatyn Túrikmenstan tizimde kósh bastap tur.
Worldometer málimetinshe, Túrikmenstan turǵyndary kúndelikti sýdy tutyný boıynsha Ortalyq Azııada ǵana emes, álemde de kósh bastap tur.
Jan basyna shaqqanda sýdy eń kóp tutynatyn alǵashqy on eldiń qataryna kirgender:
Chılı (táýligine 5 880 lıtr);
Gaıana (táýligine 5 284 lıtr);
Ózbekstan (táýligine 4 778 lıtr);
Tájikstan (táýligine 4 460 lıtr);
Qyrǵyzstan (táýligine 4 153 lıtr);
AQSh (táýligine 3 732 lıtr);
Iran (táýligine 3 638 lıtr);
Estonııa (táýligine 3585 lıtr);
Ázerbaıjan (táýligine 3 512 lıtr).
Sýdy tutynýdyń eń tómengi deńgeıi Afrıka elderinde tirkelgen. Eń tómengi kórsetkish Kongo Demokratııalyq Respýblıkasynda — munda jan basyna shaqqanda táýligine nebári 32 lıtr sý jumsalyp otyr.
Budan buryn Sý resýrstary mınıstrligi turmysta sýdy únemdeý boıynsha usynys ázirledi. Aıtýynsha, jylyna 35 myń lıtrge deıin sý únemdeýge bolady.
