Qazaqstan – Ortalyq Azııadaǵy bizdiń basty seriktesimiz – Eýropalyq ınvestıtsııalyq banktiń vıtse-prezıdenti

Osy aptada Lıýksembýrgke jumys sapary barysynda Qazaqstan Respýblıkasy Premer-Mınıstriniń orynbasary – Qazaqstan Respýblıkasy Syrtqy ister mınıstri Murat Nurtileý Eýropalyq ınvestıtsııalyq banktiń vıtse-prezıdenti Tereza Chervınskaıamen kezdesti, dep habarlaıdy Kazinform agenttiginiń tilshisi.

Kezdesý barysynda taraptar ózara múddeli máselelerdiń keń aýqymyn, atap aıtqanda ınvestıtsııalyq jáne tehnologııalyq jobalardy Qazaqstanda júzege asyrý múmkindikterin talqylady.

QR SІM basshysy Eýropalyq ınvestıtsııalyq bankten qarajat tartýǵa jáne Astanada keńseni tezirek ashýǵa múddeli ekenin atap ótti.

Bul áreketter Banktiń ınvestıtsııalyq portfeli men aımaqtaǵy qatysýyn aıtarlyqtaı keńeıte alady. Ol sondaı-aq EIB-di «Astana» Halyqaralyq qarjy ortalyǵymen «jasyl» qarjylandyrý jáne ınnovatsııalarmen almasý salasyndaǵy tyǵyz yntymaqtastyqty qarastyrýǵa shaqyrdy.

Taraptar arnaıy jumys tobyn quryp, egjeı-tegjeıli ınvestıtsııalyq yntymaqtastyqtyń jol kartasyn ázirleýge kelisti.

Óz kezeginde EIB vıtse-prezıdenti Tereza Chervınskaıa Kazinform agenttigine bergen túsiniktemesinde qazaqstandyq delegatsııamen kezdesý barysynda Qazaqstannyń Ortalyq Azııadaǵy Eýropalyq ınvestıtsııalyq bank úshin sheshýshi el ekeni basa aıtylǵanyn málimdedi.

Bank jalpy somasy 269,5 mln eýrony quraıtyn tórt nesıe berdi. Bul jobalar jergilikti shaǵyn jáne orta kásiporyndardy qarjylandyrýǵa qoljetimdilikti qamtamasyz etý arqyly jergilikti jeke sektordyń damýyna qoldaý kórsetedi, sonymen birge olardy qorshaǵan orta úshin turaqty jáne qolaıly is-sharalardy júzege asyrýǵa yntalandyrady.

Bolashaqta Bank EO men Qazaqstan arasyndaǵy Keńeıtilgen seriktestik pen yntymaqtastyq týraly kelisimniń, sondaı-aq «Jahandyq qaqpa» baǵdarlamasynyń qaǵıdattary men basymdyqtaryna sáıkes Qazaqstanǵa ınvestıtsııalardy qoldaýǵa basa nazar aýdarady, dep atap ótti EIB vıtse-prezıdenti.