Qazaqstan Ortalyq Azııada dári-dármekti tańbalaýdyń tolyq tsıklin bastaǵan jalǵyz el boldy
ASTANA. KAZINFORM — Densaýlyq saqtaý mınıstrligi dárilik zattardy tsıfrlyq tańbalaý jáne qadaǵalaý júıesin engizýdi aıaqtady. Qazaqstan tańbalaýdyń tolyq tsıkli jumys isteıtin Ortalyq Azııadaǵy jalǵyz el boldy, dep habarlaıdy Densaýlyq saqtaý mınıstrliginiń baspasóz qyzmeti.
Tanba taýarlaryn tańbalaý men qadaǵalaýdyń biryńǵaı operatorynyń derekteri boıynsha 2025 jylǵy 1 jeltoqsandaǵy jaǵdaı boıynsha júıe turaqty jumys pen jınaqtalǵan statıstıkany kórsetedi.
— Barlyq kezeńde 708 623 611 paket dárilik zattar tańbalanǵan. Onyń ishinde 2024 jylǵy 1 shildeden bastap óndirilgen 661 mln qaptama, 399 mln ımporttyq jáne 263 mln otandyq óndirýshiler óndirgen qaptamalar. Aınalymda 530 mln tańbalanǵan dárilik zattar bar: 312 mln ımporttyq jáne 218 mln otandyq. Aınalymnan 252 mıllıon tańbalaý kody shyǵaryldy. Biryńǵaı dıstrıbıýtor medıtsınalyq uıymdarǵa 100 mln-nan astam qaptamany jóneltti, bul rette 75 mln-nan astam qaptama aınalymnan shyǵaryldy, — delingen habarlamada.
Qazir tańbalaý júıesinde tirkelgen: barlyq otandyq dárilik zattardy óndirýshiler — 19 kompanııa, 143-ten astam sheteldik óndirýshi, 300-den astam ımporttaýshy men dıstrıbıýtor, 3 900-ge jýyq medıtsınalyq uıym, 1 814qq ÁMSQ jetkizýshisi, sondaı-aq 4 848 dárihana sýbektisi men 3 019 obekt.
Esterińizge sala keteıik, 2024 jylǵy 1 shildeden keıin óndirilgen barlyq dári-dármek mindetti túrde tańbalanýy tıis. Júıe satyp alý kólemin josparlaýdy tsıfrlandyrýdyń arqasynda qajettilikti dál boljaýǵa múmkindik beredi. Sonymen qatar, ónimdi naryqqa jedel shyǵarý úshin tirkeý jeńildetilip, tirkeý merzimi eki esege qysqardy.
Dárilik zattar men medıtsınalyq buıymdardy satyp alýdyń barlyq protsesteri tolyǵymen elektrondyq formatqa aýystyryldy. Qazaqstandyq taýar óndirýshilerdi maqsatty túrde ilgeriletý úshin olar úshin arnaıy ólshemsharttar aıqyndaldy.
Budan buryn DSM 2026 jyly 400-den astam dári-dármek deldaldardyń qatysýynsyz tikeleı satyp alynatynyn habarlaǵan edi.