JI-di jaýapkershilikpen qoldaný: Qazaqstan Ortalyq Azııa elderi men Ázerbaıjanǵa deklaratsııa ázirleýdi usyndy
ASTANA. KAZINFORM — Prezıdent Qasym-Jomart Toqaev Ortalyq Azııa jáne Ázerbaıjan memleketteri basshylarynyń VIIІ Konsýltatıvtik kezdesýinde jasandy ıntellekt salasyndaǵy yntymaqtastyqtyń mańyzyna toqtaldy. Bul týraly Aqorda habarlady.
– Qazaqstan jasandy ıntellektiniń birtutas ekojúıesin dáıekti túrde qura bastady. «Jasandy ıntellekt týraly» zań qabyldandy. Digital Qazaqstan strategııasy júzege asyrylýda. Sýperkompıýter klasteri iske qosyldy. Alem.ai halyqaralyq ortalyǵy jumys istep tur. Bul taqyryp óte ózekti. Osyny eskerip, jasandy ıntellekt boıynsha Ortalyq Azııa seriktestigin qurý múmkindigin qarastyrýdy usynamyn. Onyń aıasynda elderimizdiń ǵylymı ortalyqtary, ýnıversıtetteri, tehnologııalyq kompanııalary aqparat pen tájirıbe almasa alady, – dedi Memleket basshysy.
Qazaqstan Prezıdenti neırojelilerdi qaýipsiz paıdalaný mańyzdy dep sanaıdy. Buǵan qatysty qaýip-qater halyqaralyq deńgeıde qyzý talqylanyp jatyr.
– Menińshe, asa mańyzdy tehnologııalardy baqylaýdyń birlesken tásilderin ázirleýge ýaqyt ozdyrmaı kirisý kerek. Osyny eskere otyryp, Qazaqstan Ortalyq Azııa elderi men Ázerbaıjanǵa jasandy ıntellektini jaýapkershilikpen qoldaný týraly deklaratsııa ázirleýdi usyndy, – dedi Qasym-Jomart Toqaev.
Qasym-Jomart Toqaev Ortalyq Azııa men Ázerbaıjan saýdasyn $20 mlrd-qa jetkizýdi usyndy.
