«Qazaqstan - ortaq úıimiz» atty halyqaralyq konferentsııa ótedi

ASTANA. 20 sáýir. QazAqparat - 2013 jyldyń 25 sáýir kúni Qazaqstan Respýblıkasy Din isteri agenttigi Qazaqstan halqy Assambleıasynyń Hatshylyǵymen birlesip «Qazaqstan - ortaq úıimiz» atty halyqaralyq konferentsııa ótkizedi.

Konferentsııa jumysyna otandyq jáne sheteldik dinı birlestikterdiń basshylary, Qazaqstan halqy Assambleıasynyń óńirlik Hatshylyqtary, dıplomatııalyq korpýs, memlekettik organdar, ǵylymı qaýymdastyq, etnomádenı ortalyqtar, úkimettik emes uıymdar men BAQ ókilderi qatysatyn bolady.

Іs-sharanyń maqsaty - Qazaqstandaǵy memlekettik-konfessııalyq qarym-qatynastardy qarastyryp talqylaý, sondaı-aq elimizdiń áleýmettik, mádenı jáne rýhanı ómirindegi dinı birlestikterdiń orny men rólin zerdelep, dástúrli dinder lıderleriniń qoǵamdyq ilgerishilik pen turaqtylyq, konfessııaaralyq tatýlyqty saqtaý men damytýǵa qosyp jatqan úlesin salmaqtap paıymdaý.

Konferentsııa Astanadaǵy L.N. Gýmılev atyndaǵy Eýrazııa ulttyq ýnıversıtetinde uıymdastyrylmaq.