Qazaqstan orta derjavalar ádiletti álemdik tártiptiń ornaýyna múddeli bolýy kerek dep sanaıdy — Prezıdent

ASTANA. KAZINFORM — Orta derjavalar da jaýapkershilik júgin kóterýge daıyn bolýǵa tıis. Bul týraly Astana halyqaralyq forýmynda Memleket basshysy Qasym-Jomart Toqaev málim etti. 

— Sózsiz, biz betpe-bet kelip otyrǵan syn-qaterler transulttyq sıpatqa ıe. Desek te oǵan qarsy áreketimizde birizdilik joq. Álemdegi ahýal óte shetin, turaqsyz ári kereǵarlyqqa toly. Sondyqtan jahandyq yntymaqtastyq úshin qurylǵan ınstıtýttar osy jaǵdaılarǵa saı bolýǵa tıis. Qazaqstan orta derjavalar ádiletti ári ınklıýzıvti álemdik tártiptiń ornaýyna múddeli bolýy kerek dep sanaıdy. Qazirgi júıeni muqııat saralap, tyń ádis-tásilderge súıený qajet. Soǵan sáıkes, orta derjavalar da jaýapkershilik júgin kóterýge daıyn bolýǵa tıis, — dedi Qasym-Jomart Toqaev.

Budan buryn habarlanǵandaı, elordada Memleket basshysy Qasym-Jomart Toqaevtyń qatysýymen Astana halyqaralyq forýmy jumysyn bastady. 

Eske salsaq, Memleket basshysy buǵan deıin álem Qazaqstanǵa zor senim artatynyn, elimizdi «orta derjava» retinde tanyp otyrǵanyn aıtty.