Qazaqstan Orta dálizdi damytý jónindegi kelisimge qol qoıýdy josparlap otyr
ASTANA. KAZINFORM — Qazaqstan Respýblıkasynyń Úkimeti «Transkaspıı halyqaralyq kólik dálizin (Orta dáliz) damytý jónindegi yntymaqtastyq týraly kelisimge qol qoıý týraly» qaýly jobasyn qoǵamdyq talqylaýǵa usyndy.
Jobaǵa sáıkes, Transkaspıı halyqaralyq kólik dálizi boıyndaǵy yntymaqtastyqty kúsheıtý kózdelip otyr. Qujatta ótkizý qabiletin arttyrý, port ınfraqurylymyn damytý, biryńǵaı logıstıkalyq operator qurý jáne tasymaldaý protsesterin tsıfrlandyrý sııaqty baǵyttar qamtylǵan.
— Joba THKB ótkizý qabiletin qamtamasyz etý boıynsha ózara mindettemelerdi, porttarda túbin tereńdetý jumystaryn júrgizý úshin birlesken kásiporyn qurýdy, sondaı-aq biryńǵaı logıstıkalyq operatordyń «bir tereze» qaǵıdaty boıynsha qyzmet kórsetýin qarastyrady, — delingen qujatta.
Sondaı-aq qujatta tarıftik saıasatty úılestirý, jetkizý merzimderin saqtaý jáne tasymal qaýipsizdigin arttyrý máseleleri de nazarǵa alynǵan.
Qujatty Kólik mınıstrligi ázirlegen. Qoǵamdyq talqylaý 2026 jylǵy 21 mamyrǵa deıin jalǵasady.
Buǵan deıin Transkaspıı baǵytynda konteınerlik tasymal kólemi jylyna 300 myń jıyrma fýttyq ekvıvalentke jetkiziledi. Bul týraly Temirjoldar yntymaqtastyǵy uıymy konferentsııasynyń 40-otyrysynda Premer-mınıstr Oljas Bektenov aıtqan edi.
