Qazaqstan Orta Azııanyń ekonomıkalyq lokomotıvi bolarlyq áleýetke ıe
ASTANA. 5 shilde. QazAqparat - Qazaqstannyń ekonomıkalyq jaǵynan búkil Orta Azııanyń lokomotıvi bolyp, jańa «Azııa jolbarysyna» aınalý múmkindigi bar.
Bul jóninde Astanada ótken «Perspektıva - 2050: álemniń jańa saıası-ekonomıkalyq kartasy» arnaıy zertteý jumystarynyń tanystyrylymynda reseılik «Daǵdarystan keıingi álem ınstıtýty» qorynyń jetekshisi Ekaterına Shıpova málim etti.
«Eger postkeńestik keńistiktegi úsh jetekshi ekonomıkany - Ýkraına, Reseı jáne Qazaqstandy salystyratyn bolsaq, tańdaý sózsiz Qazaqstanǵa túsedi. Bul rette aıtý kerek, Reseı KSRO qulaǵannan keıin eń úlken memleket boldy, al Ýkraınanyń Qazaqstanmen salystyrǵanda, sol kezeńdegi ekonomıkasynyń damý jaǵdaıy jaqsy edi. Al Qazaqstan ekonomıkalyq jaǵdaıy nashar elderdiń qataryna bolatyn», - dedi sarapshy. Onyń aıtýynsha, 2006-2012 jyldardaǵy reıtıng kórsetip otyrǵandaı, búginde Qazaqstannyń óte jaqsy múmkindikteri bar. «Qazaqstannyń búkil Orta Azııa úshin lokomotıv bolyp, jańa «Azııa jolbarysyna» aınalýǵa áleýeti jetedi, - dep tolyqtyrdy Ekaterına Shıpova.
