Qazaqstan Orta Azııa elderi arasynda saılaý ótkizýge jaqsy mamandanǵan – Eýroparlament depýtaty

NUR-SULTAN. QazAqparat – Nur-Sultan qalasynda Májilis jáne máslıhat saılaýynyń barysyn qadaǵalaýshy Eýroparlament depýtattary Terrı Marıanı jáne Jan-Lan Lakapel onyń ótý barysyna qatysty baıqaýshy retindegi pikirin bólisti, dep habarlaıdy QazAqparat tilshisi.

«Saılaý ýchaskelerinde sanıtarlyq talaptar saqtalǵan. ıAǵnı, azamattardyń qaýipsizdigi qamtamasyz etilgen. Frantsııa Qazaqstannyń damý progresi týraly jaqsy pikirde. Qazaqstan Orta Azııa elderi arasynda saılaý ótkizý boıynsha mamandanǵan el. Basqa eldermen jáne osydan 20 jyl burynǵy ýaqytpen salystyrǵanda sizderde progress joǵary. Onyń ishinde ekonomıka jáne demokratııa salasynda da. Ásirese, bıliktiń beıbit jolmen aýysýyn erekshe aıtyp ótken jón. Bul turǵyda Qazaqstan Orta Azııa elderine úlgi bolyp otyr», -dedi Frantsııadaǵy Eýroparlament depýtaty Terrı Marıanı elordada táýelsiz halyqaralyq baıqaýshylardyń qatysýymen ótken baspasóz máslıhatynda.

Sondaı-aq, halyqaralyq baıqaýshylar, elorda turǵyndarynyń saılaýǵa belsendi qatysyp jatqanyn aıtyp ótti.

«Biz búgin birneshe saılaý ýchaskesinde boldyq, halyqtyń belsendiligi erekshe baıqalady. Odan bólek, uıymdastyrý deńgeıine toqtalyp ótken jón. Aıta keteıik, Frantsııada naýryz aıyna belgilengen aımaqtyq saılaý pandemııaǵa baılanysty keıinge shegerildi. Al Qazaqstan barlyq sanıtarlyq talaptardy saqtaı otyryp, saılaýdy ótkizip jatyr. Qazaq halqy óte qonaqjaı», - deıdi Frantsııadaǵy Eýroparlament depýtaty Jan-Lan Lakapel.