Qazaqstan ormandaryna jolbarystyń popýlıatsııasyn qaıtarý qolǵa alynýy múmkin
ASTANA. QazAqparat - Búgin Parlament Senatynda bastalǵan bıoalýandylyqty saqtaý máselesi boıynsha qoǵamdyq tyńdaýlar barysynda reseılik mamandar Qazaqstanyń Іle-Balqash aımaǵynda jolbarystyń popýlıatsııasyn qolǵa alýǵa daıar ekendigin jetkizdi. Alaıda osy bastamany iske asyrý úshin qyrýar qarjy qajet, dep xabarlaıdy QazAqparat tilshisi.
Dúnıejúzilik jabaıy tabıǵat qorynyń (WWF) Reseıdegi baǵdarlamasynyń dırektory Ekaterına Vorobevanyń aıtýynsha, sońǵy jyldary Uıym mamandarynyń qatysýymen sý resýrstary men ormandardy qorǵaý boıynsha birneshe joba sátti júzege asty. Sol sebepti búginde Dúnıejúzilik jabaıy tabıǵat qory Qazaqstandy senimdi áriptes retinde qarystyryp otyr.
«Osy jáne Іle-Balqash óńirindegi tamasha ekojúıe Dúnıejúzilik jabaıy tabıǵat qorynyń Reseıdegi baǵdarlamasyn jolbarys sııaqty jabaıy janýardy Qazaqstanǵa qaıtarýǵa arnalǵan úlken ári batyl bastamany usynýǵa túrtki boldy. Iá, bul - asa batyl joba. Biraq sonyń arqasynda Qazaqstan jolbarysty tabıǵatqa qaıtarǵan álemdegi alǵashqy memleket mártebesine ıe bola alady. Jobanyń ortasha merzimi - 20-25 jyl. Árıne, jolbarysty qaıtarý úshin tıisti ekojúıeni qalyptastyrǵan jón. Tuıaqty janýarlardy kóbeıtip, sý men orman terrıtorııalaryn keńeıtý kerek. Sosyn Іle-Balqash tabıǵı rezervatyn qurý qajet. Árıne, memleket deńgeıinde de qoldaý jasalsa ıgi is», - deıdi E.Vorobeva.
Mamannyń sózine qaraǵanda, Dúnıejúzilik jabaıy tabıǵat qorynyń (WWF) Reseıdegi baǵdarlamasy jańa jobanyń operatory bola alady. Al osy bastamany qolǵa alý úshin bastapqy kezeńde, kem degende, 10 mln. eýro qajet bolady.
