Qazaqstan orman mekemeleriniń avtoparkin 100 paıyz jańartty

ASTANA. KAZINFORM – Qazaqstan orman sharýashylyǵy mekemeleriniń kólik parkin tolyǵymen jańartty. Bul týraly QR Ekologııa jáne tabıǵı resýrstar mınıstrliginiń baspasóz qyzmeti habarlady. 

2024 jyly qoldanystaǵy tehnıkanyń 72 protsentke tozýyn eskere otyryp, orman mekemelerin materıaldyq-tehnıkalyq jabdyqtaýǵa orman salasy tarıhynda alǵash ret talap etilgen qarjylandyrý bólindi. Bul órt jıi bolatyn orman mekemeleriniń (Jetisý oblysy, Aqmola, Shyǵys Qazaqstan, Qostanaı, Pavlodar, Soltústik Qazaqstan, Almaty, Jambyl, Aqtóbe, Atyraý, Qyzylorda oblystaryndaǵy) avtoparkin tolyǵymen jańartýǵa jáne jabdyqtaýdy 100%-ǵa jetkizýge múmkindik berdi.

Lızıng jáne bıýdjet qarajaty esebinen jalpy somasy 47,0 mlrd. teńgege: 

* 428 órt sóndirý mashınasy,

* 389 shaǵyn orman órtin sóndirý keshenderi,

* 387 traktor,

* 104 kúzet mashınasy satyp alynady.

Esterińizge sala keteıik, aǵymdaǵy jyldyń 1 shildesinen bastap orman órti stantsııalary qyzmetkerlerine laýazymdyq jalaqydan 100 paıyz kóleminde ústemeaqy belgilendi.