Qazaqstan órkenıetti álemniń ajyramas bóligine aınaldy - B. Imashev
ASTANA. 16 mamyr. QazAqparat - Qazaqstan órkenıetti álemniń ajyramas bóligine aınaldy, halyqaralyq qoǵamdastyqtyń bedeli men syı-qurmetine ıe boldy. Bul týraly zańgerlerdiń І respýblıkalyq sezinde QR Ádilet mınıstri Berik Imashev málim etti.
Osy oraıda mınıstr elimiz kezekti joǵary belesterdi ótkergen saıyn, jańa qaýip-qaterler burynǵydan góri sezile bastaǵanyn aıtyp ótti. Bul óz kezeginde mazmundy talqylaýlardy qajet etedi. Vedomstvo basshysynyń aıtýynsha, konstıtýtsııalyq quqyq jáne adam bostandyǵy turǵysynda tetikterdi budan ári qaraı júzege asyrý úshin belgili bir rezerv retinde bólek memlekettik qyzmetterdi básekelestik ortaǵa berý bolyp tabylady.
«Osy baǵytta Ádilet mınıstrligi tarapynan eleýli jumystar atqaryldy. Zańnamalyq deńgeıde advokattardyń, jeke notarıýstar men sot oryndaýshylarynyń qyzmetinde birqatar ákimshilik kedergiler alynyp tastaldy», - dedi B. Imashev.
Onyń paıymdaýynsha, sońǵy 20 jylda notarıattyń damýy elimizde ınstıtýttsıonaldyq áleýmettik-ekonomıkalyq ózgeristerdi aıqyndap otyr. «Búginde notarıat jańa quqyqtyq júıede laıyqty ornyn tapqandyǵynda barlyq negizder bar», - dep túıindedi mınıstr.
