Qazaqstan OPEK + sheńberinde mindettemelerdi oryndaýǵa ázir - Energetıka mınıstrligi

NUR-SULTAN. QazAqparat - 3 aqpanda beınekonferentsııa formatynda OPEK+ mınıstrlikteri birlesken monıtorıng komıtetiniń 26-otyrysy ótti, dep habarlaıdy QR EM baspasóz qyzmeti.

Kezdesýde óndiristi qysqartý boıynsha qabyldanǵan sharalardyń arqasynda álemdik munaı naryǵyndaǵy oń úrdister atap ótildi.

2021 jyly álemdik ekonomıkanyń ósýi 4,4% deńgeıinde, munaıǵa degen álemdik suranys táýligine 95,9 mln.barreldi quraıdy dep boljanýda (2020 jylmen salystyrǵanda ósim táýligine 5,6 mln. barrel).

Sondaı-aq, jeltoqsan aıynda Kelisimge qatysýshy elderdiń mindettemelerin oryndaýy boıynsha kórsetkishterdiń jaqsarǵany atap ótildi (101%, onyń ishinde OPEK elderi – 103%, OPEK emes elder – 93%).

Qazaqstan, óz kezeginde, óz mindettemelerin oryndaý jáne budan buryn artyǵymen óndirilgen kólemderdi óteý boıynsha sharalar qabyldaýǵa ázir ekendigin jetkizdi.