Qazaqstan OPEK+ kelisimine adaldyǵyn rastaıdy jáne mindettemelerin oryndaıdy
ASTANA. KAZINFORM - Qazaqstan Respýblıkasy Energetıka mınıstrligi OPEK+ kelisimi aıasynda seriktesterimen yntymaqtastyqty joǵary baǵalaıdy jáne bul formatty álemdik munaı naryǵynyń turaqtylyǵyn qamtamasyz etý úshin mańyzdy qural dep sanaıdy.

Osyǵan baılanysty mınıstrlik keıbir BAQ-tarda eldegi munaı óndirisin retteý múmkindigi syrtqy qysymnyń nátıjesi retinde berilgen aqparattarǵa túsinikteme berýdi qajet dep sanaıdy.
Mınıstrlik mundaı málimdemelerdi qatań túrde joqqa shyǵarady.
- Qazaqstan Respýblıkasy OPEK+ kelisimine adaldyǵyn rastaıdy jáne jahandyq energetıkalyq naryqtyń turaqtylyǵyna óz úlesin qosyp, qabyldanǵan barlyq mindettemelerin oryndaýdy jalǵastyrady, - delingen habarlamada.
Osyǵan deıin OPEK+ «segizdigi» maýsymda munaı óndirýdi ulǵaıtatyny týraly jazdyq.