Qazaqstan OPEK+ kelisimi sheńberinde óz mindettemelerine adaldyǵyn rastady

ASTANA. KAZINFORM - Aqpan aıynda Qazaqstan óz mindettemelerin oryndaý úshin barlyq qajetti sharalardy qabyldady, dep habarlaıdy QR Energetıka mınıstrliginiń baspasóz qyzmeti.

Baspasóz qyzmetiniń málimetterine qaraǵanda, 2025 jyldyń 3 naýryzynda ótken vırtýaldy kezdesýde buryn 2023 jyldyń sáýiri men qarashasynda qosymsha erikti túzetýler jarııalaǵan segiz OPEK+ eli, atap aıtqanda Saýd Arabııasy, Reseı, Irak, Birikken Arab Ámirlikteri, Kýveıt, Qazaqstan, Aljır jáne Oman álemdik naryqtaǵy jaǵdaılardy jáne odan ári perspektıvalardy qarastyrdy.

Qazaqstan Respýblıkasynyń Energetıka mınıstri Almasadam Sátqalıev ótemaqy tetigin qosa alǵanda, Qazaqstan OPEK+ kelisimi boıynsha óz mindettemelerin áli de tolyq ustanatynyn rastady.

- Qazaqstan 2024 jylǵy qańtardan bastap artyq óndirilgen kólemder boıynsha ótemaqy kezeńiniń erterek aılaryna úlken júktememen jańartylǵan ótemaqy josparyn usynýdy qosa alǵanda, óz mindettemelerin oryndaý úshin odan ári sharalar qabyldaıdy, -delingen habarlamada.

Osyǵan deıin OPEK+ elderi munaı óndirýdi 2026 jylǵa deıin qysqartýǵa keliskeni týraly jazdyq.