Qazaqstan OPEK+ kelisimi sheńberinde munaı óndirisin qysqartady
ASTANA. KAZINFORM – Naýryzdan bastap elimiz munaı óndirý kólemin azaıtady. Bul týraly Energetıka mınıstriniń orynbasary Álibek Jamaýov málim etti.
- Iá, Qazaqstan naýryz aıynda munaı óndirýdi ońtaılandyrýdy josparlap otyr. Qajetti deńgeıge deıin, ıaǵnı OPEK+ aldyndaǵy mindettemege sáıkes júzege asyrylady, - dedi Álibek Jamaýov vedomstvoda ótken baspasóz máslıhatynda.
Sondaı-aq BAQ ókilderi vıtse-mınıstrden Qazaqstan Kaspıı qubyr konsortsıýmy arqyly munaı eksporty jospary týraly surady.
- Ózderińiz biletindeı, Qazaqstannyń munaı eksportynyń negizgi bóligi Kaspıı qubyr konsortsıýmy arqyly júzege asyrylady. Tıisinshe, KQK boıynsha eksport kólemi qysqartylady, - dep qysqa qaıyrdy mınıstrdiń orynbasary.
Eske sala ketsek, byltyr jyl sońynda OPEK+ elderi munaı óndirýdi 2026 jylǵa deıin qysqartýǵa kelisken edi.
Bıyl aqpanda belgili bolǵandaı, OPEK+ elderi sáýirden munaı óndirý kólemin arttyrýǵa ýaǵdalasty.
Birer kún buryn belgili bolǵandaı Qazaqstan OPEK+ kelisimi sheńberinde óz mindettemelerine adaldyǵyn rastady.