Qazaqstan OPEK+ kelisimi boıynsha mindettemelerin oryndap otyr
Aıta ketsek, buǵan deıin Oman munaı mınıstri Muhammed ár-Rýmhı úsh memleket, onyń ishinde Qazaqstannyń kelisim boıynsha mindettemelerin oryndamaý qaýpi bar ekenin málim etken edi. Bul tuspalǵa qatysty QR Energetıka mınıstrligi jaýap berdi.
«Qazaqstannyń munaı óndirisi boıynsha aǵymdaǵy mindeti – táýligine 1,86 mln barrel. 2019 jyldyń 8 aıynyń qorytyndysy boıynsha, munaı óndirisiniń táýliktik kólemi 1,796 mln barreldi kórsetti. ıAǵnı, Qazaqstanda munaı táýligine mindettemeden 64 myń barrelge az óndirilýde. 15 aıdyń qorytyndysy boıynsha (2019 jyldyń qańtary men 2020 jyldyń naýryzy) ortasha táýliktik munaı óndirisi táýligine 1,85 mln barreldi qurady. Osylaısha, Qazaqstan atalmysh kelisim boıynsha barlyq mindettemeni tolyǵymen oryndaýdy kózdeıdi», - delingen habarlamada
Mınıstrliktiń málimetinshe, Qazaqstannyń óz mindettterin tolyq oryndaıtynyn energetıka vıtse-mınıstri M.Júrebekov 12 qyrkúıekte OPEK+ (JMMC) Kelisiminiń Mınıstrlik monıtorıngtik komıtetiniń 16-shy otyrysynda málim etken.
