Qazaqstan OPEK+ aıasynda munaı óndirisi kólemin saqtap qalady
«Bizdiń elde qazirgi ýaqytta táýligine 1 mıllıon 800 myń barrel munaı óndiriledi. Biz bul mólsherdi tómendetpeımiz. Ortasha eseppen táýliktik óndiris jyldyń aıaǵyna deıin saqtalyp qalady. OPEK aıasynda bizdiń bastapqy mindettemeler 2016 jyldyń qarashasyndaǵy deńgeıine qaraǵanda, 20 myń barrel bolatyn - bul degenińiz táýligine 1 mıllıon 680 myń barrelge teń edi. Alaıda biz kelisimge qol qoıar kezde eger shekteý Qazaqstanda uzaq merzimmen jumys jasaıtyn ınvestorlardyń múddelerine, ıaǵnı Qashaǵan jobasyna áser etetin bolsa, onda bul jaıt eskeriletindigin aıtqan bolatynbyz»,- dedi Qanat Bozymbaev Úkimet otyrysynan keıin tilshilerdiń suraǵyna jaýap bere otyryp.
Mınıstr óz sózinde Qashaǵannyń jumysy 2016 jyly bastalǵanyn, sol sebepti mundaı iri óndiris orynyna birden shekteý qoıýǵa bolmaıtynyna baılanysty túsinistik baryn atap ótti. Osyǵan baılanysty Qazaqstanǵa aıtarlyqtaı salmaqty talap joq.
Aıta ketsek, budan buryn BAQ-ta OPEK+ elderi shilde aıynan bastap munaı óndirisin arttyrǵaly otyrǵany habarlanǵan bolatyn. Qanat Bozymbaevtyń aıtýynsha, buǵan keıbir elderde munaı óndirisiniń azaıyp ketýi sebep bolyp otyr.
«OPEK-ke enetin jáne enbeıtin elderge qatysty búkil álem boıynsha táýligine 1,8 mln barrel óndirý talabyna saı sheshim qabyldanǵan. Osy sheshimnen keıin Venesýela, Afrıka elderi men Meksıkada óndiris 2,8 mln barrelge deıin tómendep ketti. ıAǵnı, 1 mln barrel artyq. Bul degenińiz, treıderlardyń qorynda jyldyń sońyna deıin shıki munaıdyń qalmaýyna ákep qoǵýy múmkin. Mine, sondyqtan, OPEK-ke enetin jáne enbeıtin elderdiń tereń taldaýynan keıin kelisimdi 100 paıyzdyq deńgeıde oryndaý týraly sheshim qabyldandy. Bul jaǵdaı 2018 jyldyń sońyna deıin qajetti úılesimniń paıda bolýyna ákeledi», - deıdi Qanat Bozymbaev.
