Qazaqstan OPEK+ aldyndaǵy mindettemelerin oryndaıdy - Qanat Bozymbaev

NUR-SULTAN. QazAqparat - Qazaqstan OPEK+ kelisimi mindettemelerin oryndaıdy. Bul týraly búgin elordada ótip jatqan XII Kazenergy Eýrazııalyq forýmynda QR Energetıka mınıstri Qanat Bozymbaev aıtty, dep habarlaıdy QazAqparat tilshisi.

«Qazaqstan óziniń mindettemelerinen aınymaıdy. Birqatar el mindettemelerdi oryndaýdaǵy bizdiń múmkinshilikterimizge kúdikpen qaraıdy. Biz jaýapkershiligi zor seriktes retinde mindettemelerimizdi oryndaıtyndyǵyzdy málimdegim keledi. Bul mámile aıaqtalǵanǵa deıin áriptesterimizge kepildik bergen dálizde qalamyz. Bul mámile belgili bir túrde munan ary da jalǵasady dep úmittenemiz», - dedi Qanat Bozymbaev.

Aıta keterligi, 2018 jyldyń jeltoqsanynda OPEK+ elderi munaı óndirýdi 1,2 mln barrelge qysqartý týraly kezekti sheshim qabyldaǵan bolatyn. Qazaqstan óndiristi 40 myń barrelge qysqartý boıynsha ózine mindetteme qabyldap, osy sheshimge qosyldy.

«Múmkindigimizge qatysty aıtar bolsam, qysqa merzimdi josparda ózimizdiń iri jobalarymyzdy júzege asyrýdy jalǵastyramyz. Bul birinshi kezekte Teńizdi keńeıtý, Qarashyǵanaqtaǵy munaı óndirýdi sozý, Qashaǵanda munaı óndirýdi arttyrý. Biz OPEK+ aıasynda óz mindettemelerimizdi oryndaıyz. Degenmen, orta merzimdi keleshekte, 2023-2025 jyldary munaı óndirý kólemin kóbeıtemiz», - dedi ol.