Qazaqstan OPEK aldyndaǵy mindettemelerin oryndaýǵa kiristi-BAQ
Munaı ónerkásibin damytý departamentiniń dırektory Qýandyq Qulmurzınniń aıtýynsha, qańtar aıynan bastap, elimiz munaı óndirý kólemin munaı karteliniń májilisinde aıtylǵandaı, táýligine 20 myń barrelge qysqartty. Alaıda mınıstrlik ókili óndiris qysqartylǵan kenishterdiń attaryn atamady.
Osyǵan deıin vedomstvo basshysy Qanat Bozymbaev Aqtóbe, Qyzylorda jáne Batys Qazaqstan oblystaryndaǵy kenishter týraly aıtqan bolatyn. Ol jerlerde munaı óndirý kólemi tabıǵı túrde azaıyp kele jatqan.
«Biz 20 myń barrelge az óndiremiz. Jyl sońyna deıin OPEK músheleri men onyń baıqaýshy elderiniń kezdesýi bolady. Sonymen qatar taǵy birqatar kezdesýler bolyp, olardyń barysynda baqylaý tetikterimen qatar odan arǵy is-qımyl jospary da sóz bolady. Olar yqpal etedi me, nátıjesin beredi me, ol jaǵyn biz bilmeımiz. Eń quryǵanda bir aı kúte turý kerek»,-dedi Qýandyq Qulmurzın.
Belgili bolǵanyndaı, óndiris kólemin Saýd Arabııasy qysqartty. Wall Street Journal basylymynyń habarlaýynsha, áńgime táýligine 486 myń barrel týraly bolyp otyr. OPEK músheleri 30 qarashada ótken májiliste týra osyndaı kórsetkish boıynsha kelisti.
Aıta keteıik, kartel músheleri óndiris kólemin táýligine 1 mln 200 myń barrelge qysqartýǵa kelisti. ıAǵnı 32 mıllıonǵa deıin qasqartý týraly aıtyldy. OPEK elderine kirmeıtin Qazaqstan sııaqty elderge keletin bolsaq, olar munaı óndirýdi táýligine barlyǵy 558 barrelge qysqartýǵa kelisti. Onyń negizgi salmaǵyn Reseı ózine aldy. Ol óndiristi táýligine 300 myń barrelge azaıtatyn boldy. Ázerbaıjan 35 myńǵa, Meksıka 100 myńǵa qysqartýǵa kelisti. Qazirgi tańda tek eki el ǵana ózderiniń osy mindettemelerin oryndaýǵa kiriskendikterin jarııa etti.
