Qazaqstan Ońtústik- Shyǵys Azııa men Eýropa arasynda tranzıttik hab bola alady
HOShIMIN (SAIGON). QazAqparat - Vetnamdaǵy Qazaqstannyń Tótenshe jáne Ókiletti Elshisi Beketjan Jumahanov pen «Lıanıýngan qalasy qytaı-qazaqstandyq halyqaralyq logıstıkıkalyq kompanııasynyń» bas dırektory Lıý Bın «Saigon Newport Corporation» memlekettik vetnamdyq kompanııanyń jáne Vetnam portynda onyń iri «Cat Lai» termınalynyń basshylyǵymen kezdesti, dep habarlady Qytaıdaǵy «QazAqparat» HAA menshikti tilshisi.
«Búgin bizde kelissóz ústelinde «Qazaqstan - Lıanıýngan (QHR) porty - Vetnam» dálizi boıynsha jáne odan ári Ońtústik-Shyǵys Azııanyń basqa elderine júk tasymaldaý perspektıvalaryn talqylaý úshin Qazaqstan, Vetnam, Qytaı ókilderi jınalǵan Vetnamdaǵy alǵashqy júzdesý», - dedi kezdesýde Jumahanov.
Dıplomat Vetnam men EAEO arasyndaǵy erkin saýda aımaǵy týraly qol qoıylǵan kelisim aıasynda Vetnam, Qazaqstan jáne EAEO basqa elderi arasyndaǵy júk aǵynyn arttyrý yqtımaldyǵy, sondaı-aq «Qazaqstan - Lıanıýngan (QHR) porty - Hoshımın (SRV) porty logıstıkalyq marshrýty boıynsha taýarlar jetkizý sátti testileýden ótkeni jaıly aıtty.
«Bizdiń soltústigimizde - Reseı, shyǵysymyzda - Qytaı. Temir jol boıynsha Qazaqstannan Lıanıýngan portyna baratyn jol salyndy, onda biz 51%-y QHR-ǵa, 49%-y Qazaqstanǵa tıesili qytaı tarapymen birlesken kásiporyn qurdyq. Qytaı Reseıge jáne Eýropa elderine taýarlardy jetkizý úshin qazaqstandyq temir joldy paıdalanýǵa múddeli. Qańtardyń basynda QHR Qazaqstan arqyly Londonǵa óziniń alǵashqy júgin jóneltti. Tasymalǵa 18 kún ketti, bul teńiz jolyna qaraǵanda, eki ese qysqa jol, ári barynsha arzan», - dedi Jumahanov.
Eske salsaq, 4 naýryzda astana ýaqyty boıynsha saǵat 8-derde shyǵysqytaılyq Lıanıýngan portynan Hoshımın portynyń «Vietnam international container terminals» (VICT) kompanııasy termınalyna 32 konteınermen 720 tonna qazaqstandyq astyqtyń birinshi partııasy jetkizildi.
