Qazaqstan Ońtústik Koreıany koronavırýs boıynsha jaısyz elderdiń birinshi dárejesine engizdi
Atalmysh qaýlyǵa sáıkes, Qazaqstan Ońtústik Koreıany koronavırýsqa baılanysty 1 «A» sanatyndaǵy elderdiń qataryna engizdi. Buryn osyndaı ederdiń qatarynda QHR men Iran bar bolatyn.
«Qazaqstan Respýblıkasynda koronavırýstyq ınfektsııanyń profılaktıkasy sharalaryn odan ári kúsheıtý týraly» Bas memlekettik sanıtarııalyq dáriger Bekshınniń qaýlysynyń mátini:
Qazaqstan Respýblıkasynda
koronavırýstyq ınfektsııanyń
profılaktıkasy sharalaryn odan
ári kúsheıtý týraly
1. Oblystardyń, Almaty, Nur-Sultan, Shymkent qalalarynyń ákimderi, densaýlyq saqtaý basqarmalarynyń basshylary:
1) resmı jáne úkimettik delegatsııalardy, sondaı-aq qyzmettik jáne dıplomatııalyq tólqujattardyń ıelerin, avıakompanııalardyń ushqyshtary men ekıpaj, lokomotıv brıgadalarynyń múshelerin, temirjol kóliginde tasymaldaý qyzmetimen aınalysatyn adamdardy jáne júkterdi avtomobılmen halyqaralyq tasymaldaýdy júzege asyratyn júrgizýshilerdi qospaǵanda, osy qaýlyǵa 1-qosymshaǵa sáıkes 1a) sanattaǵy elderge sońǵy barǵan sátinen bastap 14 kúnnen kem ýaqyt ótken, osy elderden kelgen adamdardy jergilikti atqarýshy organdar aıqyndaǵan úı-jaılarda oqshaýlaı otyryp, 14 kún boıy karantındi;
2) resmı jáne úkimettik delegatsııalardy, sondaı-aq qyzmettik jáne dıplomatııalyq tólqujattardyń ıelerin, avıakompanııalardyń ushqyshtary men ekıpaj, lokomotıv brıgadalarynyń múshelerin, temirjol kóliginde tasymaldaý qyzmetimen aınalysatyn adamdardy jáne júkterdi avtomobılmen halyqaralyq tasymaldaýdy júzege asyratyn júrgizýshilerdi qospaǵanda, osy qaýlyǵa 1-qosymshaǵa sáıkes 1b) sanattaǵy elderden kelgen adamdardy Qazaqstan Respýblıkasynyń shekarasynan ótken kúnnen bastap 14 kún boıy turǵylyqty (kelgen) jeri boıynsha úıde oqshaýlaýdy (halyq kóp jınalatyn oryndarǵa barýdy boldyrmaı, osy qaýlyǵa 2-qosymshaǵa sáıkes talaptardy saqtaı otyryp, úıdegi karantındi). Úıde oqshaýlaý qaǵıdalarynyń saqtalýyn baqylaý jáne konsýltatsııa berý qońyraý shalý arqyly júrgiziledi. Úıde oqshaýlaý úshin jaǵdaılar bolmaǵan kezde emdeýge jatqyzý usynylady;
3) osy qaýlyǵa 1-qosymshaǵa sáıkes 2-sanattaǵy elderden kelgen adamdardy QR shekarasynan ótken kúnnen bastap 14 kún boıy qońyraý shalýy arqyly turǵylyqty jeri boıynsha MSAK-tyń medıtsına qyzmetkeriniń baqylaýyn.
Resmı jáne úkimettik delegatsııalardyń músheleri, qyzmettik jáne dıplomatııalyq tólqujattardyń ıeleri, avıakompanııalardyń ushqyshtary men ekıpaj, lokomotıv brıgadalarynyń músheleri, temirjol kóliginde tasymaldaý qyzmetimen aınalysatyn adamdar jáne 1a) jáne 1b) sanatyndaǵy elderden júkterdi avtomobılmen halyqaralyq tasymaldaýdy júzege asyratyn júrgizýshiler 2-sanattaǵy sııaqty qońyraý shalý arqyly turǵylyqty (kelgen) jeri boıynsha medıtsınalyq baqylaýǵa jatady;
4) KVI boıynsha qolaısyz elderden kelgen adamdardy oqshaýlaý úshin úı-jaılardy, sondaı-aq KVI-ǵa kúdikti patsıentterdi emdeýge jatqyzý úshin qajetti tósek orny bar statsıonarlardy uıymdastyrýdy;
5) halyqty koronavırýstyq ınfektsııanyń taralýy boıynsha aǵymdaǵy epıdemıologııalyq jaǵdaı jáne óńirde qabyldanyp jatqan sharalar týraly aqparattandyrýdy qamtamasyz etsin.
2. Taýarlar men kórsetiletin qyzmetterdiń sapasy men qaýipsizdigin baqylaý komıtetiniń Kóliktegi departamentiniń, aýmaqtyq departamentteriniń basshylary:
1) QHR-men shekaradaǵy shekara jáne keden beketteriniń basshylarymen birlesip Dostyq jáne Altynkól ýaqytsha saqtaý qoımalaryndaǵy, sondaı-aq QHR-men shekaradaǵy avtomobıl ótkizý joldaryndaǵy temirjol júk quramdarynyń oryn aýystyrýyna, olardy túsirýge jáne qalyptastyrýǵa tartylǵan adamdardyń oryn aýystyrý, turý, medıtsınalyq baqylaý shemalaryn ázirleýdi jáne barlyq múddeli uıymdarmen kelisýdi;
2) QR azamattary, sheteldik azamattardyń jalpy sany boıynsha bólip kórsete otyryp, QHR-dan, sondaı-aq koronavırýstyq ınfektsııamen syrqattanýshylyq boıynsha qolaısyz ózge de elderden kelgen shetel azamattaryn bólek esepke ala otyryp, QR shekarasynan ótetin adamdar týraly kún saıynǵy monıtorıngti jáne ótken táýliktegi aqparatty kelesi kúngi saǵat 02-00-ge deıin usynýdy;
3) osy qaýlyǵa 4-qosymshaǵa sáıkes KVI-men (SOVІD-19) syrqattaný jaǵdaıyn anyqtaýdy júrgizýdi qamtamasyz etsin.
3. QR DSM Qoǵamdyq densaýlyq saqtaý ulttyq ortalyǵy:
1) osy qaýlyǵa 1-qosymshaǵa sáıkes 3-sanattaǵy elderdegi KVI boıynsha epıdemıologııalyq jaǵdaıdyń monıtorıngin júzege asyrsyn;
2) kún saıyn saǵat 19-00-ge deıin Taýarlar men kórsetiletin qyzmetterdiń sapasy men qaýipsizdigin baqylaý komıtetine, oblystardyń, Almaty, Nur-Sultan, Shymkent qalalarynyń taýarlar men kórsetiletin qyzmetterdiń sapasy men qaýipsizdigin baqylaý departamentterine, densaýlyq saqtaý basqarmalaryna sanattar bóliginde koronavırýstyq ınfektsııamen syrqattanýshylyq boıynsha qolaısyz elderdiń tizbesin usynsyn.
4. Taýarlar men kórsetiletin qyzmetterdiń sapasy men qaýipsizdigin baqylaý komıtetiniń aýmaqtyq, kóliktegi departamentteriniń, oblystardyń, Almaty, Nur-Sultan, Shymkent qalalarynyń densaýlyq saqtaý basqarmalarynyń basshylary:
1) Qazaqstan Respýblıkasy Densaýlyq saqtaý mınıstri 2020 jylǵy 3 aqpanda bekitken «Jańa koronovırýstyq ınfektsııaǵa kúdikti naýqastar anyqtalǵan kezde júrgiziletin sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalar algorıtmine» sáıkes sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalardy ótkizýdi;
2) halyqty koronavırýstyq ınfektsııanyń taralýy boıynsha aǵymdaǵy epıdemıologııalyq jaǵdaı jáne óńirlerde qabyldanyp jatqan sharalar týraly aqparattandyrýdy;
3) azamattar kóp bolatyn obektilerde dezınfektsııalaý rejımin saqtaýdy, mektepke deıingi balalar mekemelerine, mektepterge jáne orta arnaýly oqý oryndaryna balalardy qabyldaý kezinde mindetti tańerteńgilik súzgini júrgizýdi baqylaýdy qamtamasyz etsin.
5. Osy qaýlynyń oryndalýy týraly aqparat osy qaýlyǵa 3-qosymshaǵa sáıkes QR DSM Qoǵamdyq densaýlyq saqtaý ulttyq ortalyǵynyń jedel ortalyǵyna kún saıyn saǵat 06-00-ge jáne 16-00-ge usynylsyn.
6. «Qazaqstan Respýblıkasynda koronavırýstyq ınfektsııanyń profılaktıkasy sharalaryn odan ári kúsheıtý týraly» Qazaqstan Respýblıkasynyń Bas memlekettik sanıtarııalyq dárigeriniń 2020 jylǵy 25 aqpandaǵy №9-PGVr qaýlysynyń kúshi joıyldy dep sanalsyn.
7. Osy qaýlynyń oryndalýyn baqylaýdy ózime qaldyramyn.
8. Osy qaýly 2020 jylǵy 5 naýryzdan bastap kúshine enedi.
Qazaqstan Respýblıkasynyń
Bas memlekettik
sanıtarııalyq dárigeri J. Bekshın
Qazaqstan Respýblıkasynyń
Bas memlekettik
sanıtarııalyq dárigeriniń
2020 jylǵy ___________
___ qaýlysyna 1-qosymsha
COVID-19 koronavırýstyq ınfektsııa boıynsha qolaısyz elder
| 1 a) sanat | QHR Iran Ońtústik Koreıa |
| 1 b) sanat | QHR Gonkong AÁA QHR Makao AÁA Taıvan (QHR) Japonııa Italııa |
| 2-sanat | Frantsııa Germanııa Taıland Ázirbaıjan |
| 3-sanat | BAÁ Ispanııa Malaızııa Irak Shveıtsarııa Ulybrıtanııa Bahreın Kýveıt Sıngapýr AQSh |
Qazaqstan Respýblıkasynyń
Bas memlekettik sanıtarııalyq dárigeriniń 2020 jylǵy ____
___ qaýlysyna 2-qosymsha
COVID-19 epıdemııalyq táýekeli joǵary adamdardy úıde oqshaýlaý
(úı karantıni) qaǵıdalary
Negizgi uǵymdar
Úı karantıni 1b sanatyndaǵy elden shyqqan kúnnen bastap nemese COVID-19 yqtımal nemese rastalǵan jaǵdaıymen sońǵy jaqyn baılanysta bolǵan sátten bastap 14 kúnge sozylady.
Úı karantıniniń maqsaty – aýrýdyń áleýetti kózinen COVID-19-dy yqtımal juqtyrýdyń aldyn alý jáne osylaısha Qazaqstannyń aýmaǵynda koronavırýstyń taralýyn boldyrmaý.
Úı karantınin uıymdastyrý úshin turý jaǵdaılaryna qoıylatyn talaptar:
Úı karantıni mynadaı talaptar/jaǵdaılar saqtalǵan kezde bolýy múmkin:
1. Adam basqa otbasy múshelerimen keńistikti tikeleı bólmeıtin jeke bólme bar.
2. Patsıent jáne otbasynyń / úı sharýashylyǵynyń basqa músheleri tıisti usynylǵan jeke qorǵanysh quraldaryna (kem degende qolǵaptar men bet maskasyna) qol jetkize alady jáne úıde kútim jasaý nemese oqshaýlaýdyń bir bóligi retinde usynylatyn saqtyq sharalaryn (mysaly, respıratorlyq gıgıena jáne jótel ádebi, qol alysý) saqtaýǵa qabiletti.
3. Úı sharýashylyǵynda COVID-19 ınfektsııasynan keıin asqyný qaýpi joǵary (65 jastan asqan adamdar, 5 jasqa deıingi balalar, júkti áıelder, ımmýnıteti álsiregen nemese júrektiń, ókpeniń nemese búırektiń sozylmaly aýrýlary bar adamdar) adamdar joq.
Kórsetilgen talaptardy saqtaý múmkin bolmaǵan jaǵdaıda karantın medıtsınalyq uıymdarda júzege asyrylady.
Úı karantınindegi adamǵa arnalǵan nusqaýlyqtar
1. Úıden shyqpaý.
2. Esigi jabyq jeke, jaqsy jeldetiletin bólmede bolý. Tek qajetti rásimder úshin jáne qysqa ýaqytqa ǵana bólmeden shyǵýǵa ruqsat etiledi; bul rette aýyz ben muryn maskamen jabylýy tıis.
3. Vırýstyń taralýyn boldyrmaý úshin túshkirgende nemese jótelgende aýyz ben muryndy bir ret qoldanylatyn qol oramalymen nemese shyntaqty búgip jabý. Osydan keıin qoldy sýmen jáne sabynmen jýý nemese spırt negizindegi antıseptıkalyq zatpen dezınfektsııalaý.
4. Qoldy sýmen jáne sabynmen jýý nemese tamaq daıyndaǵanǵa deıin jáne odan keıin, tamaq aldynda jáne dárethanany paıdalanǵanǵa deıin jáne odan keıin spırt negizindegi antıseptıkalyq zatpen dezınfektsııalaý. Eger qolda kózge kórinetin kir bolsa, antıseptıkalyq zatpen óńdeýge qaraǵanda qoldy sýmen jáne sabynmen jýǵan durys. Qoldy súrtý úshin bir ret qoldanylatyn sýlyqtardy paıdalanǵan durys.
5. Múmkindiginshe jeke dárethanany paıdalaný.
6. Temperatýra nemese respıratorlyq sımptomdar paıda bolǵan kezde jáne kez kelgen medıtsınalyq problema bolǵan kezde karantın týraly habarlaı otyryp jáne júginý sebebin kórsete otyryp, KVI boıynsha koll-ortalyqqa nemese jedel járdemge qońyraý shalý.
Úı karantıni qamtamasyz etiletin úı sharýashylyǵy múshelerine arnalǵan nusqaýlyqtar
1. Karantın bólmesine kiretin úı sharýashylyǵy músheleriniń sanyn qysqartý usynylady, artyqshylyq sozylmaly aýrýlardan zardap shekpeıtin bir deni saý adamǵa berilýi tıis.
2. Úıge kelýshiler kelmeýi tıis.
3. Úı sharýashylyǵynyń barlyq músheleri qoldaryn jıi jýýy tıis.
4. Asúı jáne dárethana sııaqty jalpy paıdalanylatyn oryndardyń jaqsy jeldetiletindigine kóz jetkizińiz.
5. Karantın bólmesine kirý kezinde aýyz ben muryndy tyǵyz jabatyn medıtsınalyq maska kııý qajet. Eger maska bólindilerden ylǵaldanǵan nemese lastanǵan bolsa, ony dereý jańa taza qurǵaq maskamen aýystyrý qajet. Maskany tıisti tehnıkany paıdalana otyryp, ıaǵnı onyń aldyńǵy bóligin ustamaı sheshý. Paıdalanǵannan keıin maskany dereý sheship, qoldy jýý kerek.
6. Karantındegi adammen jáne lastanǵan betterdi, kıimdi jáne tósek-oryn jabdyǵyn qosa alǵanda, karantın bólmesimen kez kelgen qarym-qatynasta bolǵanda bir ret qoldanylatyn qolǵaptardy paıdalaný.
7. Kún saıyn karantındegi adamnyń bólmesindegi betterdi tazartý jáne dezınfektsııalaý.
8. Karantındegi adamnyń barlyq kir kıim-keshegin jýǵanǵa deıin óziniń bólmesinde osy úshin bólingen pakette ustaý qajet. Jýýdy ádettegi jýý quralymen júrgizý qajet.
9. Karantındegi adamnyń tis şetkasy, temekisi, ydys-aıaq, súlgi, tósek-oryn jabdyǵy jáne t.b. sııaqty vırýs berilýi múmkin zattaryn birge paıdalanýdan bas tartý kerek. Ydys-aıaqty sabyndy sýmen nemese ydys-aıaq jýýǵa arnalǵan quralmen jýýǵa bolady.
Qazaqstan Respýblıkasynyń
Bas memlekettik sanıtarııalyq dárigeriniń 2020 jylǵy ____
___ qaýlysyna 3-qosymsha
| 1a) SANATY | |||||||
| Barlyǵy, onyń ishinde: | QR azamattary | QHR azamattary | Iran azamattary | ||||
| JAO aıqyndaǵan úı-jaılarda oqshaýlaı otyryp, karantınge ornalastyryldy | alyndy | JAO aıqyndaǵan úı-jaılarda oqshaýlaı otyryp, karantınge ornalastyryldy | alyndy | JAO aıqyndaǵan úı-jaılarda oqshaýlaı otyryp, karantınge ornalastyryldy | alyndy | JAO aıqyndaǵan úı-jaılarda oqshaýlaı otyryp, karantınge ornalastyryldy | alyndy |
Kesteniń jalǵasy
| 1b) SANATY | |||||
| Barlyǵy, onyń ishinde: | QR azamattary | Shetel azamattary | |||
| Úıde oqshaýlanǵan | alyndy | Úıde oqshaýlanǵan | alyndy | Úıde oqshaýlanǵan | alyndy |
Kesteniń jalǵasy
| 2) SANATY | |||||
| Barlyǵy, onyń ishinde: | QR azamattary | Shetel azamattary | |||
| Medıtsınalyq baqylaýda (qońyraý shalý) | alyndy | Medıtsınalyq baqylaýda (qońyraý shalý) | alyndy | Medıtsınalyq baqylaýda (qońyraý shalý) | alyndy |
Qazaqstan Respýblıkasynyń
Bas memlekettik sanıtarııalyq dárigeriniń 2020 jylǵy ____
___ qaýlysyna 4-qosymsha
COVID-19 aýrýy jaǵdaıyn anyqtaý (2020 jylǵy 27 aqpanda jańartylǵan DSU-nyń anyqtamasy negizinde)
2019-nCoV týdyrǵan ınfektsııaǵa kúdikti jaǵdaı:
A. Kez kelgen jiti respıratorlyq aýrýy bar patsıent, sondaı-aq epıdemıologııalyq anamnezinde sımptomdar bastalǵanǵa deıin 14 kún ishinde SOVID-19 rastalǵan nemese yqtımal jaǵdaıymen jaqyn baılanystyń* bolýy.
V. Dene temperatýrasy joǵary jáne respıratorlyq aýrýdyń kem degende bir belgisi/sımptomy, mysaly, jótel, tynys alýdyń qıyndaýy, entigý belgisi bar etıologııasy belgisiz kez kelgen jiti respıratorlyq ınfektsııasy bar patsıent, sondaı-aq sımptomdar bastalǵanǵa deıin 14 kún ishinde anamnezinde COVID-19 epıdemııasy bar elge/aýmaqqa** saıahat nemese onda turý tarıhynyń bolýy.
S. Dene temperatýrasy joǵary jáne respıratorlyq aýrýdyń kem degende bir belgisi/sımptomy, mysaly, jótel, tynys alýdyń qıyndaýy, entigý belgisi bar jáne ARQTB-ge jatqyzýdy talap etetin etıologııasy belgisiz kez kelgen aýyr jiti respıratorlyq ınfektsııasy bar patsıent.
Eskertpe:
* - jaqyn baılanysty anyqtaý
** - 1a jáne 1b sanatyna engizilgen elder/aýmaqtar (QR Bas sanıtarııalyq dárigeriniń qaýlylaryna sáıkes).
Yqtımal jaǵdaı
Mynalar kezinde:
a) COVID-19-ǵa testileý nátıjesi belgisiz;
b) pnevmonııadan/JRDS-nan qaıtys bolǵan, tumaýǵa jáne basqa da respıratorlyq ınfektsııalarǵa zerthanalyq testileýdiń nátıjeleri teris bolǵan kúdikti jaǵdaı
Rastalǵan jaǵdaı
Klınıkalyq belgileri men sımptomdaryna qaramastan, COVID-19 ınfektsııasyna zerthanalyq rastaýy bar adam
*Jaqyn baılanys
Yqtımal nemese rastalǵan jaǵdaıdyń jaqyn baılanysy:
- COVID-19 jaǵdaıy sııaqty sol úı sharýashylyǵynda turatyn adam;
- COVID-19 jaǵdaıymen tikeleı dene baılanysy (mysaly, qol alysý) bolǵan adam;
- COVID-19 jaǵdaıynyń ınfektsııalyq bólindilerimen (mysaly, jótelgende, paıdalanylǵan qaǵaz sýlyqtardy jalańash qolmen ustaý) qorǵalmaǵan tikeleı baılanysy bar adam;
- 2 metrden jaqyn jáne 15 mınýttan artyq COVID-19 jaǵdaıymen tikeleı baılanysy bar adam;
- COVID-19 jaǵdaıymen birge 15 mınýt boıy nemese odan kóp jáne 2 metrden kem qashyqtyqta jabyq úı-jaıda (mysaly, synypta, keńesterge arnalǵan bólmede, aýrýhanadaǵy kútý bólmesinde jáne t.b.) bolǵan adam;
- COVID-19 jaǵdaıyna tikeleı kútim kórsetetin medıtsına qyzmetkeri nemese basqa adam nemese COVID-19 jaǵdaıynyń bıoúlgilerimen usynylǵan JQQ-syz nemese JQQ qoldanýdy yqtımal buzyp jumys istegen zerthanalyq mamandar;
- COVID-19 jaǵdaıynan eki oryndyq qashyqtyqta otyrǵan ushaqtaǵy baılanys (kez kelgen baǵyttaǵy), sondaı-aq COVID-19 jaǵdaıy ushqan ushaq sektsııasyna qyzmet kórsetken ekıpaj músheleri (keıbir jaǵdaılarda, mysaly, aýyr sımptomdar bolǵan nemese ushaq ishinde COVID-19 jaǵdaıy oryn aýystyrǵan jaǵdaıda áýe kemesiniń bortyndaǵy barlyq jolaýshylar jaqyn baılanys dep sanalýy múmkin).
Epıdemıologııalyq baılanystyń bolýy aýrý COVID-19 yqtımal nemese rastalǵan jaǵdaıy bastalǵanǵa (sımptomdar paıda bolǵanǵa) deıin 14 kún ishinde qaralady.