Qazaqstan Ońtústik Afrıkada ótken halyqaralyq matematıka olımpıadasynda úzdik nátıjege qol jetkizdi
ASTANA. QazAqparat - Qazaqstan quramasy Ońtústik Afrıkanyń Keıptaýn qalasynda 3-14 shilde kúnderi ótken Halyqaralyq matematıka olımpıadasynda jalpy eseptik 23-orynǵa ıe boldy, dep habarlaıdy vechastana.kz
Atalmysh bilim dodasyna 101 memleketten (AQSh, Germanııa, Bolgarııa, Frantsııa, Japonııa, Qytaı, Reseı, Brazılııa, Kanada, Rýmynııa, Anglııa, Ázerbaıjan,Tájikstan, Italııa jáne taǵy basqa) 612 mektep oqýshysy qatysqan bolatyn. Nátıjelerdi salystyratyn bolsaq, Qazaqstan quramasy jalpy esepte 23-orynǵa taban tirep, sońǵy 4 jylda eń úzdik jetistikke qol jetkizip otyr. Jalpy el qorjynyna 6 medal tústi. Onyń ishinde, qazaq-túrik lıtseıiniń 11-synyp oqýshysy Qýandyq Altynhanov qola júldege qol jetkizdi.
Aıta keteıik, Qazaqstan Olımpıadaǵa 1998 jyldan beri qatysyp keledi.
