Qazaqstan ońtústiginde 40 gradýsqa deıin ystyq bolady
NUR-SULTAN. QazAqparat - Sınoptıkterdiń boljamynsha Qazaqstan ońtústiginde aptap ystyq kemi taǵy birneshe kúnge sozylady, dep habarlaıdy QazAqparat.
«27-29 maýsym kúnderi Qazaqstannyń ońtústik oblystarynda aýa temperatýrasy 40 gradýsqa deıin kóteriledi», - delingen Qazgıdromet habarlamasynda.
Respýblıkanyń soltústigi men batysynda salqyn aýa aǵyndary jańbyr ákeledi. Salqyn aýa aǵyny ońtústikke qaraı jyljýyna baılanysty Qazaqstannyń ortalyq jáne shyǵys oblystarynda jańbyr jaýyp, aýa temperatýrasy tómendeýi múmkin.
