Qazaqstan óńirleriniń Orynbor oblysymen taýar aınalymy 11,2%-ǵa ulǵaıdy
ASTANA. KAZINFORM — Qazaqstan Respýblıkasynyń Premer-mınıstri Oljas Bektenov Reseı Federatsııasynyń Orynbor oblysynyń gýbernatory Evgenıı Solntsevti qabyldady. Bul týraly Úkimettiń baspasóz qyzmeti habarlady.
Kezdesý barysynda saýda, ónerkásiptik kooperatsııa, kólik-logıstıkalyq ınfraqurylym salasyndaǵy óńiraralyq ózara is-qımyldyń, sondaı-aq mádenı-gýmanıtarlyq baılanystardy damytýdyń ózekti máseleleri qaraldy.
Qazaqstan-Reseı qatynastaryn damytýdyń negizgi faktorlarynyń biri retinde shekara mańy yntymaqtastyǵynyń róli atap ótildi.
Orynbor oblysy – Qazaqstannyń mańyzdy seriktesi jáne eleýli kólik-logıstıkalyq toraby. 2025 jyldyń qorytyndysy boıynsha Qazaqstan óńirleriniń Orynbor oblysymen taýar aınalymy 2024 jylmen salystyrǵanda 11,2%-ǵa ulǵaıyp, $627 mln boldy.
Aıta ketelik Gazpromnyń Orynbordaǵy zaýyty Qarashyǵanaq gazyn 2050 jylǵa deıin óńdeıtin boldy.