Qazaqstan óńirlerinde zimbir men bal baǵasy qansha
ASTANA. KAZINFORM — Infektsııalyq aýrýdyń órshıtin shaǵynda Kazinform agenttiginiń tilshisi ımmýnıtetti kúsheıtip, ózińdi sergek sezinýge septigin tıgizetin zimbir men bal baǵasyn bildi.
Zimbir men bal kún sýyta bastaǵanda ımmýnıtetti nyǵaıtýǵa, ınfektsııalyq aýrýdyń alǵashqy belgileri bilingende ony basýǵa kómektesedi. Maýsymdyq vırýstan qorǵanýǵa múmkindik beretin bul ónimder dál osy shaqta joǵary suranysqa ıe. Máselen zimbirdiń quramynda qabynýǵa, mıkrobqa qarsy turatyn gıngerol bar. Ol qyzdyrady, qan aınalymyn jaqsartyp, maýsymdyq aýrýdy tez jeńýge septigin tıgizedi. Al eger zimbir qosylǵan shaıdy jıi ishseńiz, ımmýnıtetti nyǵaıtyp, sergek júresiz.
Baldyń quramy dárýmenge toly. Ondaǵy ferment pen antıoksıdant qabynýǵa qarsy turady, tynyshtandyrady. Bal qosylǵan jyly sý jóteldi basyp, kún sýytqanda qosymsha qýat beredi. Al eger zimbir men baldy qatar qoldansańyz, paıdasy kúshti. Zimbir zat almasýdy rettese, bal aşy dámdi basyp, paıdaly taǵamdy tez sińirýge kómektesedi. Alaıda kúz ben qysqa suranys artyp, bul zimbir men bal baǵasyna óz áserin tıgizetini sózsiz. Qazirgi kezde zimbirdiń qaıdan tasymaldanyp jatqany mańyzdy. Baǵa da soǵan oraı qubylmaly.
Al bal baǵasyna áser etetin birneshe faktor bar. Sarapshylardyń aıtýynsha, oǵan ara raıy men ónimniń qanshalyqty jaqsy jınalǵany áser etedi. Jaz salqyn nemese qurǵaqshylyq bolsa, ónim az jınalady. Baldy sharýalar birneshe jerden jınaıdy. Taý, orman, shabyldyq, sonymen birge túrli shóp, qaraqumyq, jóke baly da bolady. Qazaqstandyq sharýalar ózderi óndirgen baldy joǵary baǵalaıdy, al ózge elden ákelingen bal arzanǵa túsedi.
Elimizdegi qalalarda baldyń ortasha baǵasy 2 500 – 3 000 teńge aralyǵynda. Kóp óńirdegi baǵa osy. Qyzylorda, Astana, Túrkistan, Semeı, Óskemende kelisi 2 500 teńgeden, Oral, Shymkent, Petropavl, Taldyqorǵan, Qaraǵandy, Aqtaýda 3 000 teńgeden astalady. Al eń arzany Almaty men Aqtóbe qalalarynda. Munda keıbir baldyń kelisi 1 800 teńge. Pavlodar, Qostanaı men Tarazda odan sál joǵary. Kelisi – 2 000 teńge. Kókshetaýda bal baǵasy 3 500 teńgeden bastalady. Al baldyń qymbaty Jezqazǵanda satylady. Munda tátti ónimniń ortasha baǵasy 4 000 teńge.
Al zimbirdiń kelisi balǵa qaraǵanda tómen. Ortasha baǵasy – 2 000-2 500 teńge. Pavlodar, Tarazda kelisi 2 000 teńgeden, al Kókshetaý, Semeı, Óskemen, Taldyqorǵan, Túrkistan men Aqtaýda 2 500 teńgeden bastalady. Zimbirdiń er arzanyn Qaraǵandy qalasynan tabasyz. Munda kelisi – 1 300 teńge. Almatyda 1389 teńge, Jezqazǵanda 1500 teńge, al Astanada 1 537 teńgeden bastalady. Pavlodar men Shymkentte 1 600 teńge bolyp tur. Zimbirdiń kelisi Oral men Qostanaı qalasynda – 3 000 teńge. Eń qymbaty Aqtóbe qalasynda. Mundaǵy sýpermarkette kelisi – 4 085 teńge.
Aıta keteıik, buǵan deıin kólik dóńgelegin aýystyrý qyzmetiniń qansha ekenin bildik.