Qazaqstan óńirlerinde onomastıka komıssııalarynyń jumys erejeleri jańartyldy
ASTANA.KAZINFORM — Premer-mınıstr orynbasary — Mádenıet jáne aqparat mınıstri oblystyq onomastıka komıssııalary jáne respýblıkalyq mańyzy bar qalalardyń jáne astananyń onomastıka komıssııalary týraly úlgilik erejeni bekitti.
Atap aıtqanda, negizgi mindetterge jekemenshik bilim berý uıymdaryna tulǵalardyń esimderin berý jáne olardy qaıta ataý máselelerin kelisý jónindegi jańa tarmaq qosyldy.
Sonymen qatar oblystyq onomastıka komıssııalary:
— Respýblıkalyq onomastıka komıssııasymen kelisilgennen keıin aýyldarǵa, kentterge, aýyldyq okrýgterge ataý berý, olardyń ataýyn ózgertý, sondaı-aq olardyń ataýlarynyń transkrıptsııasyn naqtylaý men ózgertý boıynsha qorytyndylar beredi;
— Respýblıkalyq onomastıka komıssııasymen kelisilgennen keıin aýdandyq mańyzy bar qalalardyń, kenttiń, aýyldyń, aýyldyq okrýgtiń quramdas bólikterine ataý berý, olardyń ataýyn ózgertý, sondaı-aq olardyń ataýlarynyń transkrıptsııasyn naqtylaý men ózgertý boıynsha qorytyndylar beredi, sondaı-aq jekemenshik bilim berý uıymdaryna tulǵalardyń esimderin berýdi jáne olardy qaıta ataýdy kelisedi.
Sondaı-aq Respýblıkalyq mańyzy bar qalalardyń jáne astananyń onomastıka komıssııalary:
— Respýblıkalyq onomastıka komıssııasymen kelisilgennen keıin — qaladaǵy aýdandarǵa, respýblıkalyq mańyzy bar qalalardyń, astananyń quramdas bólikterine ataý berý jáne qaıta ataý, olardyń ataýlarynyń transkrıptsııasyn naqtylaý men ózgertý boıynsha qorytyndylar beredi, sondaı-aq jekemenshik bilim berý uıymdaryna tulǵalardyń esimderin berýdi jáne olardy qaıta ataýdy kelisedi.
Atalǵan buıryq bıyl 7 aqpannan bastap qoldanysqa engiziledi.
Buǵan deıin jekemenshik mektepter ataýy onomastıkalyq komıssııanyń sheshimimen beriletinin jazǵanbyz.