Qazaqstan óńirlerinde kún raıyna baılanysty eskertý jarııalandy

ASTANA. KAZINFORM - Sınoptıkter 18 aqpan kúni Qazaqstannyń 17 oblysynda jáne Astanada aýa raıyna baıanysty eskertý jarııalady.

Qazgıdromettiń habarlaýynsha, 18 aqpanda Astanada túnde qar aalas jańbyr, kúndiz jańbyr jaýady. Kóktaıǵaq bolyp, kúndiz jaý burqasyn soǵady. Jel ońtústik-batystan soǵyp, ekpini 15–20 m/s-qa jetedi.

Aqmola oblysynyń batysy men soltústiginde túnde jaýyn-shashyn (jańbyr, qar) túsedi, ońtústigi men shyǵysynda azdaǵan jaýyn-shashyn bolady, kúndiz óńirdiń basym bóliginde jaýyn-shashyn ótedi. Kóktaıǵaq pen jaıaý burqasyn bolady. Óńirdiń batys, ońtústik jáne shyǵys bólikterinde tuman túsedi. Jel ońtústik-batystan soltústik-batysqa aýysyp, ekpini 15–20 m/s, oblystyń soltústigi men shyǵysynda keı sátterde 23–28 m/s-qa deıin kúsheıedi.

Pavlodar oblysynyń batysy men soltústiginde qar aralas jańbyr, jaıaý burqasyn men kóktaıǵaq bolady. Jel ońtústik-batystan soǵyp, jyldamdyǵy sekýndyna 15–20 metrge jetedi. Óńirdiń batys, ońtústik jáne shyǵysynda jeldiń ekpini 23–28 m/s-qa jetedi.

Atyraý oblysynyń batysy, ońtústigi jáne shyǵysynda tuman túsip, kóktaıǵaq bolady.

Abaı oblysynyń batysy men ortalyǵynda kúndiz qar aralys jańbyr, jaıaý burqasyn jáne kóktaıǵaq bolady. Jel ońtústik, ońtústik-batystan soǵyp, oblystyń batysy, soltústigi men ortalyǵynda 15–20 m/s, ekpini 23 m/s-qa deıin barady.

Qostanaı oblysynyń batysy, shyǵysy jáne ortalyǵynda túnde jaýyn-shashyn (jańbyr, qar), jaıaý burqasyn men kóktaıǵaq bolady. Kúndiz oblystyń shyǵysy men ońtústiginde jaýyn-shashyn ótedi. Batys, shyǵys jáne ońtústiginde tuman túsedi. Jel ońtústik-batystan soltústik-batysqa aýysyp, ekpini 15–20 m/s-qa jetedi.

Mańǵystaý oblysynyń batysy, soltústigi jáne ortalyǵynda tuman bolady.

Túrkistan oblysynyń batysy, soltústigi, ońtústigi jáne taýly aımaqtarynda tuman túsedi. Taýly óńirlerde jel ońtústik-shyǵystan soǵyp, tańerteń jáne kúndiz jyldamdyǵy 15–20 m/s-qa deıin kúsheıedi.

Batys Qazaqstan oblysynda tuman túsip, kóktaıǵaq bolady.

Shyǵys Qazaqstan oblysynyń soltústigi men shyǵysynda jel ońtústik-shyǵystan soǵyp, 15–20 m/s-qa jetedi.

Qyzylorda oblysynyń ortalyǵy, soltústigi jáne ońtústiginde tuman túsedi. Oblystyń ońtústiginde jel kúndiz ońtústik jáne ońtústik-shyǵystan soǵyp, jyldamdyǵy sekýndyna 15–20 m/s-ge jetedi.

Aqtóbe oblysynyń soltústigi, batysy jáne shyǵysynda qar aralas jańby jaýyp, kóktaıǵaq, jaıaý burqasyn bolady. Óńirdiń ońtústigi men shyǵysynda tuman túsedi. Jel ońtústik-batystan soltústikke aýysyp, ekpini 15–20 m/s-qa jetedi.

Ulytaý oblysynyń batysy men soltústiginde kúndiz qar aalys jańbyr, jaıaý burqasyn bolady. Óńirdiń soltústigi, shyǵysy jáne ortalyǵynda tuman men kóktaıǵaq baıqalady.

Qaraǵandy oblysynyń batysy men soltústiginde kúndiz jaýyn, jaıaý burqasyn bolady. Soltústigi, ońtústigi jáne shyǵysynda tuman men kóktaıǵaq bolady. Jel ońtústik-batystan soǵyp, oblystyń soltústigi men shyǵysynda ekpini 15–20 m/s-qa deıin kúsheıedi.

Soltústik Qazaqstan oblysynyń soltústigi, shyǵysy jáne ońtústiginde jaýyn-shashyn (jańbyr, qar), boran, kóktaıǵaq pen tuman bolady. Jel ońtústik-batys jáne batystan soǵyp, jyldamdyǵy 15–20 m/s, oblystyń batysy, soltústigi jáne ońtústiginde 23–28 m/s-qa jetedi.

Jambyl oblysynda keı ýaqytta tuman túsedi. Taýly aımaqtarda jel ońtústik-shyǵystan soǵyp, jyldamdyǵy 15–20 m/s bolady.

Jetisý oblysynyń taýly aýdandarynda túnde jáne tańerteń tuman túsedi. Alakól kólderi mańynda jel ońtústik-shyǵystan soǵyp, ekpini 15–20 m/s, keı mezette 23–28 m/s-qa deıin kúsheıedi.

Almaty oblysynyń shyǵysy men ortalyǵynda jel ońtústik-shyǵystan ońtústik-batysqa aýysyp, ekpini 15–20 m/s bolady.

Osyǵan deıin aýa raıyna baılanysty úsh oblysta jol jabylǵany týraly jazdyq.