Qazaqstan onlaın qyzmet kórsetýden álem boıynsha 26-orynda tur

NUR-SULTAN. QazAqparat - Tsıfrlyq damý, ınnovatsııalar jáne aeroǵarysh ónerkásibimınıstri Asqar Jumaǵalıev bızneske qatysty qyzmetter túrlerin avtomattandyrý jumystary týraly aıtty, dep habarlaıdy QazAqparat tilshisi.

«Qyzmet kórsetý protsesin jeńildetý úshin biz qyzmet túrlerinin 80%-dan joǵary avtomattandyrdyq. BUU málimeti boıynsha, biz búgingi tańda onlaın qyzmet kórsetý boıynsha álem elderi boıynsha 26-orynda turmyz. Bul aýqymdy jumysty jalǵastyratyn bolamyz. 2020 jyly qyzmet túrlerin avtomattandyrý deńgeıi 90%-den kem bolmaıdy. Biz qazirgi ýaqytta bıznes úshin mańyzdy qyzmetterdi avtomattandyra alatynymyzǵa senimdimiz», - deıdi Asqar Jumaǵalıev elordada ótken kásipkerlerdiń sybaılas jemqorlyqqa qarsy forýmda.

Ol bızneske qatysty qyzmet kórsetýdi avtomattandyrý máselesine toqtalyp ótti.

«Muny avtomattandyrý úshin biz birqatar zańnamalyq normalar ázirledik. Bizde bıznes úshin mańyzdy jáne qajetti, mysaly jer ýchaskesin berý nemese sáýlet boıynsha qyzmetter bar», - deıdi ol.